Учора ў Маскве запатрабавалі вызвалення беларускіх палітвязняў

 Каля беларускай амбасады ў Маскве 16 ліпеня прайшла акцыя салідарнасці з ахвярамі палітычных рэпрэсій.

 Яе арганізавалі мясцовыя беларусы з удзелам расійскага руху “Абарона”. Удзельнікі пікету раздавалі мінакам улёткі з інфармацыяй пра зніклых беларускіх палітыкаў і палітвязняў.

Таксама арганізатары маскоўскай акцыі распаўсюдзілі зварот, у якім запатрабавалі ад уладаў Беларусі “неадкладна вызваліць усіх палітычных зняволеных, спыніць пераслед недзяржаўных арганізацый і СМІ, правесці паўнавартаснае празрыстае расследаванне па фактах знікнення і гібелі вядомых людзей і пакараць вінаватых”.