Пасля працяглага ператрусу актывістаў БХД адвезьлі ў міліцыю

Учора, 3 ліпеня, у Менску супрацоўнікамі міліцыі былі затрыманыя актывісты партыі “Беларуская хрысьціянская дэмакратыя”, якія займаліся зборам подпісаў аб зьмене закону аб свабодзе сумленьня.

Дзяніса Садоўскага, Сяргея Луканіна і Аляксея Шэіна міліцыянты захапілі ў прыватнай кватэры апошняга, дзе міліцыянты праводзілі вобшук Цяпер усе затрыманыя знаходзяцца ў Фрундзенскім РУУС сталіцы.

"Я ўпэўнены, што затрыманьні і ператрус прымеркаваныя да небывалай актыўнасьці вернікаў у кампаніі па лібералізацыі заканадаўства. Мы ўжо некалькі дзён зьбіраем подпісы адкрыта на вуліцах і заклікаем усіх далучацца", - паведаміў Дзяніс Садоўскі па тэлефоне з пастарунку.