17 верасьня ў Магілёве за распаўсюд друкаванай прадукцыі затрыманыя актывісты маладзёвага руху “Зубр”.

Актывісты маладзёвага руху “Зубр” Мікалай Ільін, Яўген Сувораў і яшчэ адзін непаўнагадовы былі затрыманыя пасьля таго, як раздавалі газеты “Зубр” ва ўніверсітэце. У Цэнтральным РУУС г.Магілёва ў адносінах “зуброў” былі складзеныя пратаколы па Арт.172 Кодэкса аб Адміністратыўных правапарушэньнях (распаўсюд друкаванай прадукцыі без выходзячых дадзеных).

Супрацоўнікі міліцыі сказалі затрыманым, каб чакалі павесткі ў суд і паведамілі, што падчас таго, як яны раздавалі газеты вяліся аператыўная відэаздымкі.