Суд Першамайскага раёну Мінску не задаволіў іск аб абароне гонару, годнасьці і дзелавой рэпутацыі лідэра Аб’яднанай грамадзянскай партыі Анатоля Лябедзькі

Іск быў пададзены да тэлеканалаў БТ, ОНТ і СТВ і аўтараў фільма фільме “Шлях у нікуды”, паказаным гэтымі тэлеканаламі.

Непасрэднай прычынай звароту Анатоля Лябедзькі ў суд стаў фрагмэнт закадравага тэксту фільму, у якім сьцьвярджалася, што Анатоль Лябедзька нібыта падтрымаў акцыю кіраўніка “Газпрому” Аляксея Мілера аб спыненьні ў Беларусь дастаўкі газу ў 20-градусны мароз. Паводле аўтараў фільму, гэтая акцыя мела на мэце прымусіць беларускае кіраўніцтва аддаць за бесцань канцэрн “Белтрансгаз”.

Рашэньне суда Першамайскага раёну аб незадавальненьні іска будзе абскарджана ў Гарадскім судзе.