Адвакат Ігар Аксёнчык, які прадстаўляў інтарэсы маці зьніклага аператара ОРТ Дзьмітрыя Завадзкага, асуджаны на паўтары гады пазбаўленьня волі з адтэрміноўкай выкананьня прысуду на два гады.

Адвакат Ігар Аксёнчык, які прадстаўляў інтарэсы маці зьніклага аператара ОРТ Дзьмітрыя Завадзкага, 11 верасьня асуджаны на паўтары гады пазбаўленьня волі з адтэрміноўкай выкананьня прысуду на два гады.

Судзьдзя суда Ленінскага раёну г. Мінску Валянціна Крывая зрабіла выснову, што адвакат Ігар Аксёнчык вінаваты ў паклёпе на Генеральнага пракурора РБ Віктара Шэймана. Нагадаем, адвакат агучыў меркаваньне адносна далучанасьці В.Шэймана да зьнікненьняў вядомых у Беларусі людзей.
Працэс быў закрытым. Таксама адной з адметнасьцяў гэтага працэсу стала тое, што ўпершыню ў Беларусі па крымінальным артыкуле асуджаны адвакат за выказваньне адносна справы, у якой ён прадстаўляў інтарэсы пацярпелай – маці зьніклага журналіста ОРТ Дзьмітрыя Завадзкага