Суд Цэнтральнага раёну Менску асудзіў актывістаў Аб’яднанай грамадзянскай партыі з Салігорску за правядзеньне пікету на Кастрычніцкай плошчы ў Мінску.

Пра гэта паведаміла Радыё Свабода,
Актывіст АГП Аляксей Прыходзька арыштаваны на 15 сутак, а Наталя Зубарэвіч – на 10 сутак. Аляксей Прыходзька, Тацяна Ларыёнава і Наталя Зубарэвіч увечары 3 жніўня ладзілі пікет на Кастрычніцкім пляцы. Яны трымалі расьцяжку: “10 гадоў дыктатуры. Сыдзі, Лукавы!”У Тацяны Ларыёнавай сямігадовае дзіця, і, паводле беларускага заканадаўства, суд ня мае права караць яе арыштам. Судзьдзя Леанід Ясіновіч аштрафаваў Тацяну на 30 базавых велічыняў (гэта 570 000 рублёў).