Міністар адукацыі Беларусі Аляксандр Радзькоў падпісаў загад аб скасаваньні ліцэнзіі на права адукацыйнай дзейнасьці Эўрапейскага гуманітарнага ўнівэрсытэту.

Пра гэта паведаміла Радыё Свабода. Адначасна з працэсам ліквідацыі ВНУ мусіць тэрмінова пакінуць арандаванае памяшканьне, як таго патрабуе Кіраўніцтва спраў прэзыдэнта. Далейшы лёс выкладчыкаў і студэнтаў унівэрсытэту пакуль невядомы.

Паводле загаду, ліцэнзійнае пасьведчаньне ЭГУ анулявана з прычыны адсутнасьці памяшканьня. Кіраўніцтва спраў прэзыдэнта патрабуе высяленьня ўнівэрсытэту, скасаваўшы дамову арэнды.