«На парламенцкіх выбарах у Латвіі вельмі добра арганізаваны выбарчы працэс. Магчымасьці фальсіфікацыі мінімалізаваная. У склад камісій уваходзяць прадстаўнікі палітычных партыяў і грамадскіх арганізацыяў», -- распавядае актывіст ПЦ «Вясна». Зьміцер Салаўёў, які 5 кастрычніка знахозіўся на парламенцкіх выбарах у Латвіі ў якасьці міжнароднага назіральніка, акрэдытаванага пры Цэнтральнай Выбарчай Камісіі.

Гаворыць Зьміцер Салаўёў: «Выбары адбываліся адзін дзень без усялякіх папярэдніх галасаваньняў, выбарчыя ўчасткі адчыненыя з 8.00 да 20.00. На парламенцкіх выбарах у Латвіі вельмі добра арганізаваны выбарчы працэс. Магчымасьці фальсіфікацыі мінімалізаваная. У склад камісій уваходзяць прадстаўнікі палітычных партыяў і грамадскіх арганізацыяў. На выбарах у Сейм немагчыма прагаласаваць загадзя. Але выбаршчыкіі, якія жывуць у замежных дзяржавах, могуць прагласаваць па пошце Сістэма выключна прапарцыйная – ад кожнага выбарчага ўчастка выбіраецца пэўная колькасьць дэпутатаў, што ўтварае разам 100. Прапарцыйна колькасьці выбаршчыкаў. Сьпісы кандыдатаў на выбары ў Сейм могуць падаваць зарэгістраваныя партыі альбо партыйныя аб'яднаньні. Кандыдатам у дэпутаты можна заявіць любога грамадзяніна Латвіі, якому на дзень выбараў больш за 21 год, калі на яго не распаўсюджваецца якое-небудзь абмежаваньне закона «Аб выбраньні ў Сейм».