Віцебскі апазыцыянэр Барыс Хамайда правёў у міліцэйскім пастарунку амаль восем гадзінаў

10 і 11 чэрвеня міліцыянты затрымлівалі яго на той час, пакуль Аляксандар Лукашэнка браў удзел у сэмінары для кіроўных работнікаў у Віцебску. Паводле словаў спадара Хамайды, у адказ на пытаньне “За што ж вы мяне столькі часу трымалі ў пастарунку?” яму давялося пачуць ад міліцыянтаў адказ: “За тое, што вы ня рады прыезду Лукашэнкі”. Нічым іншым ягоныя затрыманьні не былі абгрунтаваныя – міліцыянты нават не складалі пратаколаў пра парушэньне грамадзкага парадку, -- паведамляе Радыё Свабода.