Дэкан Бакатовіч з Полацкага дзяржаўнага ўніверсітэту запалохвае актывістаў незалежнага студэнцкага руху.

20 траўня актывістка ЗБС (Заадзіночаньня Беларускіх Студэнтаў) з Наваполацку была выклікана ў дэканат інжынерна будаўнічага факультэта Полацкага дзяржаўнага ўніверсітэту, дзе адбылася размова з дэканам факультэта Бакатовічам.

Дэкан пытаўся пра дзейнасьць ЗБС: што за арганізацыя ЗБС, чым займаецца, хто старшыня, колькасьць сяброў, з якіх факультэтаў, пра дзейнасьць і адкуль грошы на дзейнасьць, аб маючай адбыцца выставе “Голая Студэнцкая Праўда”, якую плануюць правесьці сябры Наваполацкага ЗБС-у (у якасьці кантактаў стаялі і кантакты дзяўчыны), – дзе яна будзе праводзіцца і адкуль грошы на правядзеньне. Дэкан папрасіў прынесьці Статут ЗБС-у, каб даведацца больш пра дзейнасьць арганізацыі.

Дэкан Бакатовіч папярэдзіў дзяўчыну, каб не займалася больш такой дзейнасьцю, бо могуць быць непажаданыя для яе наступствы.

Варта адзначыць, Бакатовіч толькі 2 тыдні таму заняў пасаду дэкана інжынерна будаўнічага факультэта.