3 траўня суд Ленінскага раёну г. Гродна вынес рашэньне пра адміністратыўны арышт (15 сутак) старшыні страйкаму прадпрымальнікаў Валерыя Леванеўскага. Яго сын Уладзімір Леванеўскі арыштаваны на 13 сутак, Аляксандр Траян – на 3 сутак.

Пра гэта паведаміла Радыё Свабода. Валеры Леванеўскага затрымалі 1 траўня за распаўсюд ўлётак, якія заклікалі прадпрымальнікаў страйкаваць.

3 траўня міліцыя затрымала сына Леванеўскага—Уладзімера—за арганізацыю несанкцыянаванага сходу прадпрымальнікаў. Яго таксама судзілі, яму далі 13 сутак арышту. Уладзімеру Леванеўскаму 18 гадоў.

Трое сутак адміністрацыйнага арышту за ўдзел у несанкцыянаванай акцыі прадпрымальнікаў прысудзілі 18-гадоваму Аляксандру Траяну. Ён вучыўся ў школе разам з Уладзімерам Леванеўскім.