Суд над Анатолем Лябедзькам сёньня не адбыўся з-за няправільна складзеных супрацоўнікамі міліцыі рапартоў

Сёньня, 3 траўня лідэр Аб’яднанай грамадзянскай партыі Анатоль Лябедзька быў выкліканы ў РУУС Савецкага раёну г. Менску для допыта ў якасьці правапарушальніка. Выклік зьвязаны з падзеямі 26 красавіка, калі ў сталіцы праходзіў Чарнобыльскі шлях. А. Лябедзька не зьяўляўся заяўляльнікам акцыі, ня ўдзельнічаў у шэсьці, хаця прысутнічаў на плошчы Якуба Коласа. Яго спрабавалі затрымаць супрацоўнікі АМАПу, але А. Лябедзку ўдалося зьбегчы.
У РУУС А. Лябедзька з’явіўся, але падчас складаньня пратаколу аб правапарушэньні (арт. 167.1 КаАП РБ) высьветлілася, што зьмест рапартоў, складзеных супрацоўнікамі міліцыі, не супадае са відэаздымкамі акцыі. Такім чынам, пратакол аб правапарушэньні А. Лябедзькі ня быў складзены, а сам ён быў адпушчаны.