Праваабарончая праграма "Вясна"
Кожны аўторак у 19:05 па беларускім часе ў эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Каментар эксперта: У Варшаве праходзіць канферэнцыя АБСЕ па чалавечым вымярэнні (з 30 верасня – 11 кастрычніка 2024). А што ж такое АБСЕ і канферэнцыі, якія ладзяцца гэтай арганізацыяй? Пра гэта ўсё тлумачыць праваабаронца “Вясны” Наталля Сацункевіч
Апытанка: На канферэнцыі АБСЕ прысутнічаюць і беларускія праваабаронцы. Што іх уразіла і што яны хацелі данесці? Чаму канферэнцыяя АБСе важная?
Падзея: Украінскія і беларускія праваабаронцы ў рамках канферэнцыі АБСЕ па чалавечым вымярэнні прэзентавалі сумесную справаздачу пад назвай "Скрадзенае дзяцінства: як беларускі рэжым сцірае ўкраінскую ідэнтычнасць у дзяцей праз перамяшчэнне, перавыхаванне і мілітарызацыю".
Каментар: Дыскусія і паказ фільма "Жыццё Дэвіда Гейла" прайшлі ў Беларускім Моладзевым Хабе, што ў Варшаве. Фільм уздымае тэму смяротнага пакарання.
