Праваабарончая праграма "Вясна"
Кожны аўторак у 19:05 па беларускім часе у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 3 сакавіка:
Падзея: Амаль Год таму, трэцяга сакавіка, асудзілі трох праваабаронцаў "Вясны": Алеся Бяляцкага, Валянціна Стэфановіча і Уладзіміра Лабковіча. Ім далі 10, 9 і 7 год зняволення адпаведна.
Па-за межамі: У Маскве на мінулым тыдні асудзілі сустаршыню праваабарончага цэнтру "Мемарыял" Алега Арлова. Яму прызначылі два з паловай гады калоніі за нібы "дыскрэдытацыю" расейскай арміі.
Каментар: Фота пад арыштам — асобны накірунак фотаздымкі. Для міліцэйскай фотаздымкі існуе неафіцыйны тэрмін — mug shot. Праваабаронца "Вясны" Дзіяна Пінчук сабрала 30 магшотаў ад былых палітзняволеных і сведчанні пра працэс фотаздымкі, пачуцці і эмоцыі палітвязняў пра яе. Праект называецца "Станавіся да сцяны — мы цябе сфатаграфуем!"
