Праваабарончая праграма "Вясна"
Кожны аўторак у 19:05 па беларускім часе у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 12 лютага:
Праваабарончы слоўнік: Як паўстаў Сусветны дзень радыё, які адзначаецца 13 лютага.
"У мяне ёсць мара", — сказаў Марцін Лютэр Кінг у сваёй знакамітай прамове на радыё.
Па-за межамі: Аксану Хіневіч, маці экс-палітвязня, якая цяпер ў Вільні, праз Viber асудзілі за Е-дастаўку. Аўдыя з суда, які адбыўся па-за межамі, і пачуем сцісла ў рубрыцы. А таксама — каментар праваабаронцы з Барысава Алега Мацкевіча:
"Ні аб якім справядлівым судовым разбіральніцтвы не магло быць размовы".
Час выбараў: пра рэгістрацыю ініцыятыўных груп і не толькі:
"Імітуюць нейкі працэс з уключэннем народа", — адзначае юрыст "Вясны" Павел Сапелка.
Каментар: Музыка і лідар гурта Gods Tower Уладзіслаў Наважылаў каментуе сваё уключэнне ў спіс "тэрарыстаў".
