Палітвязні Павел Белавус, Ілля Верамееў і Дзмітрый Клімаў атрымалі сімвалічных "хросных"
У рамках кампаніі салідарнасці Libereco #WeStandBYyou Корына Грэдыг (Schweizer Nationalrat, Grünliberale Partei), Джэры Бацімер (Сэнат Ірландыі, Fine Gael) і Ліам Макартур (Парламент Шатландыі, Ліберальныя дэмакраты) сталі хроснымі для палітвязняў у Беларусі.
- Карына Грэдыг, член Нацыянальнай рады Швейцарыі. Крыніца: Libereco.org
Дэпутатка Нацыянальнай рады Швейцарыі (Grünliberale) Карына Грэдыг стала хроснай Іллі Верамеева і заявіла:
"Я выказваю поўнае захапленне і падтрымку мужнаму народу Беларусі. Я цалкам салідарна з Іллём Верамеевым, маладым беларусам, якому выставілі абвінавачванне за распаўсюд паведамленняў праз Telegram. Свабода выказвання меркаванняў — не злачынства, але яму пагражае 6,5 гадоў турэмнага зняволення нібыта за арганізацыю пратэстаў і распальванне нянавісці ў Інтэрнэце. Гэта вельмі распаўсюджаны падыход праваахоўных органаў у Беларусі, з якім нельга мірыцца. Ілля Верамееў і ўсе палітвязні павінны быць неадкладна вызваленыя".
- Джэры Бацімер, дэпутат парламента Ірландыі. Крыніца: Libereco.org
Дэпутат ірландскага парламента ад The Fine Gael Джэры Бацімер стаў хросным Паўла Белавуса і падкрэсліў:
"Барацьба за дэмакратыю і правы чалавека патрабуе ад смелых людзей адстойваць свае правы і кідаць выклік злоўжыванню ўладай. Праз прыхільнасць да свабоды і дэмакратыі беларускія ўлады затрымалі Паўла Белавуса. Сусветная супольнасць павінна аб'яднацца, каб змагацца з тыраніяй, дзе б мы яе не знайшлі. Разам мы можам зрабіць змены магчымымі! Менавіта з гэтых прычын я заклікаю неадкладна вызваліць Паўла Балавуса".
- Ліам Макартур, дэпутат парламента Шатландыі. Крыніца: Libereco.org
Ліам Макартур — дэпутат парламента Шатландыі ад ліберал-дэмакратаў і хросны бацька Дзмітрыя Клімава. Макартур заявіў:
"Сучаснымі беларускімі "рэйкавымі партызанамі" варта захапляцца за іх мужнасць. Іх негвалтоўныя дзеянні адыгралі значную ролю ў стрымліванні наступу Расіі на Украіну праз Беларусь у самым пачатку незаконнага ўварвання, нанёсшы маральныя страты расійскім войскам і выйграўшы каштоўны час для таго, каб Украіна змагла арганізаваць сваю абарону. Дзмітрый Клімава спачатку гвалтоўна арыштавалі за меркаваны ўдзел у падрыве сігнальнай будкі, а потым прысудзілі да 22 гадоў калоніі на закрытым судовым працэсе. Магчыма, нядзіўна, хоць і не менш ганебна, што ахоплены панікай рэжым Лукашэнкі адрэагаваў жорсткімі і гвалтоўнымі рэпрэсіямі на ўнутраны супраціў яго падтрымцы пуцінскай вайны. Тое, што гэты супраціў працягваецца, нягледзячы на рызыку жорсткага пакарання, сведчыць пра адвагу Дзмітрыя і такіх, як ён. Я буду працягваць падтрымліваць усіх беларусаў, якія жадаюць кінуць выклік іхнаму аўтакратычнаму ўраду".
