viasna on patreon

Учора, 18 сакавіка, каля 22 гадзінаў адбылася спроба пранікнення ў гродзенскі офіс газеты “ДЕНЬ”

2004 2004-03-19T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Злаўмысьнікамі, якіх затрымаў выкліканы выпадковым сведкам нарад міліцыі, паводле неправеранай інфармацыі аказаліся супрацоўнікі Упраўлення Камітэта дзяржаўнай бяспекі па Гродзенскай вобласці.
Супрацоўнікамі Ленінскага РАУС пры спробе пранікнення ў рэдакцыю газеты ДЕНЬ былі затрыманы две асобы якія прадставіліся як Макараў Віктар Віктаравіч і Вашкевіч Александр Пятровіч, адзін з якіх быў апазнаны рэдактарам газеты ДЕНЬ Міколай Маркевічам як супрацоўнік гродзенскага КДБ. У затрыманых, па словах сведкаў, быў цэлы арсенал розных адмычак. Вашкевіч і Макараў былі дастаўлены ў Ленінскі РАУС Гродна. Старшыной міліцыі Халяўскім быў складзены пратакол затрымання. Абодва затрыманыя прадставіліся як часова не працуючыя. Паводле інфармацыі ПАГОНІ здарэнне не патрапіла ў міліцэйскія “сводкі”.
- Усе што адбывалася пасьля затрымання выглядала вельмі падазрона. Затрыманыя паказвалі міліцыянтам нейкія пасведчанні, іх у вогуле хацелі адпусціць... Але я заявіў, што не адыду з РАУС пакуль затрыманне не будзе належным чынам завіксавана. Іі толькі мая прысутнасць прымусіла міліцыянтаў выканаць фармальнасці, - гаворыць Мікола Маркевіч, якога знаёмыя праінфармавалі аб здарэнні.
На яго думку адбылася спроба запалохвання журналістаў.
- Гэта спроба спужаць нас, стварыць перашкоды рэальна дзеючай рэдакцыі зарэгістраванай газеты газеты, - лічыць Маркевіч.
На сёняшні дзень выйшла 8 нумароў газеты. На тле гарадзенскіх газетаў ДЕНЬ вызначаецца тым, што рэгулярна абнародвае факты карупцыі мясцовай улады і прадпрымальнікаў звязаных з ёй.
Сяргей Васількоўскі

Апошнія навіны

Партнёрства

Сяброўства