Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN).
(А анонсы папярэдніх выпускаў глядзіце тут).
Падзея: “Свабоду Мацкевічу!”— беларусы свету заклікалі выканаць патрабаванні палітзняволенага філосафа Уладзіміра Мацкевіча, які распачаў галадоўку. А штогадовы флэшмоб “One Billion Rising” цяпер стаў #RiseForOlga — у знак салідарнасці з палітзняволенай Вольгай Гарбуновай, абаронцай правоў жанчын і гендарнай актывісткай.
Час выбараў: Як беларусы рэагуюць на тое, што па-за межамі Беларусі участкаў для галасавання не будзе?
Крымінальны пераслед: У першы раз — за эмоджы лайна, а ў другі — за слова “аба*раўся”… Жыхарку Івацэвіч Вольгу Кронду ізноў асудзілі за абразу таго ж самага міліцыянта Руслана Куцко, але віны жанчына не прызнае. Ізноў “маральная кампенсацыя”, ізноў “хатняя хімія”. Як плаціць? “Я ў мінулым месяцы адаслала яму 10 рублёў”.
Асоба: Тры гісторыі трох рэпрэсаваных беларусаў. Два з іх — Павел Батуеў і Севярын Квяткоўскі — пасля “сутак” і пагрозы “крыміналкі” эвакуяваліся з Беларусі. А былы палітвязень Ігар Банцар пасля адбывання пакарання не збіраецца пакідаць Гродна.
У музычных паўзах — “Разбітае сэрца пацана”.
Аўдыязапіс выпуску:
