Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN).
(А анонсы папярэдніх выпускаў глядзіце тут).
Анонс праграмы на 8 лютага:
Час выбараў: Для беларусаў за мяжой участкаў для галасавання не будзе; місія АБСЕ назіраць не будзе, а місія СНД — будзе; у Гомельскай вобласці у склад камісій не трапілі “нелаяльныя да дзяржавы”, а сярод выбаршчыкаў распаўсюджваюцца нейкія чуткі… Што вядома пра рэферэндум? Разбіраемся разам з праваабаронцамі Паўлам Сапелкам і Аленай Маслюковай.
Крымінальны пераслед: ПЦ “Вясна” прааналізаваў судовы пераслед па палітычна матываваных крымінальных справах за студзень. Працягваюць судзіць за ўдзел у пратэстах у жніўні і верасні 2020 года, а імёны людзей, якія трапілі пад пераслед, ужо гучалі на допытах па іншых справах. Пра тое, як гэтага не дапусціць, распавядае берасцейскі праваабаронца Уладзімір Вялічкін.
Падзея: У сценах ЕГУ правялі першую беларускую Жывую бібліятэку ў Вільні. Яна стала магчымая пры саўдзеле студэнцкага праекта @gutar_ka. Зазірнем на бібліятэку і паразмаўляем з адной з яе “кніг”— Вікай, якая два гады таму прачнулася з дыябетам І тыпу. Першыя сімптомы дзяўчына зблытала са стрэсам ад падзей у Беларусі 2020 года…
У музычных паўзах — мазырскі панк-гурт VIKT(A)R xOi.
Аўдыязапіс выпуску:
