Праваабарончая праграма "Вясна" на Беларускім Радыё Рацыя
Кожны аўторак у 20:05 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць на сайце Беларускага Радыё Рацыя па любых са спасылак тут, альбо тут.
Анонс праграмы на 15 чэрвеня:
Хроніка: Асуджаныя па крымінальных артыкулах адпраўляюцца на “хімію”… Як гэта адбываецца? Аляксандру Агрэйцовічу з Мінску патэлефанавалі і сказалі з’явіцца ў Магілёве цягам трох дзён, а гарадзенец Ігар Банцэр спрабаваў цягам тыдня даведацца, куды ж яго накіруюць.
Крымінальны пераслед: У Брэсце асудзілі чарговую партыю па справе карагодаў, а таксама Паліну Шарэнда-Панасюк. А ў Мінску — маладзечанца Дзяніса Сырца, які "абразіў" Лукашэнку, Качанаву і Кардзюкова сваімі каментарамі ў чаце.
Каментар: размова з праваабаронцай “Вясны” са Светлагорска Аленай Маслюковай. Чаму так важна праца праваабаронцаў і як яны самі трапляюць пад рэпрэсіі?
У музычных паўзах—кампазіцы ў выкананні спевака Сяргея Верамеюка. 14 чэрвеня стала вядома, што яго затрымалі ў Мінску, дзе 15 чэрвеня ён павінен быў абараняць дыплом.
Запіс выпуску слухайце тут:
