Праваабарончая праграма "Вясна" на Беларускім Радыё Рацыя
Кожны аўторак у 20:05 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць на сайце Беларускага Радыё Рацыя па любых са спасылак тут, альбо тут.
Анонс праграмы на 18 мая:
Крымінальны пераслед: Самыя гучныя палітычна-матываваныя прысуды, вынесеныя на мінулым тыдні — схапіўся за дубінку амапаўца, кінуў у бок АМАпу пясоок з клумбы, намалявалі сардэчка, кулак і вікторыю, “Я вучыў рытм” і змена прысуда з “хіміі” на калонію…
Па-за межамі: Разам з журналісткай “Громадьске радіо” Анастасіяй Гарпічэнка ўзгадаем, як у 2019 годзе ва Украіне сустракалі 35 палітвязняў, якіх утрымлівала Расійская Федэрацыя.
Асоба: Два былых палітвязня — Ігар Банцар і Міхаіл Беркас — успомняць пра турму, псіхіятрычную экспертызу і адчуванні страху (альбо не?) падчас свайго зняволення.
У музычных паўзах – кампазіцыі ў выкананні гурта ili-ili.
