Эксперты ААН заклікалі ўлады Беларусі адмовіцца ад пераследу жанчын-праваабаронцаў
Незалежныя эксперты ААН заклікалі ўлады Беларусі адмовіцца ад пераследу жанчын-праваабаронцаў у кантэксце масавых пратэстаў, якія праходзяць у краіне са жніўня гэтага года. Яны асудзілі ўвядзенне Мінскім крымінальнай адказнасці за праваабарончую дзейнасць.
- Жаночы марш у Мінску 17 кастрычніка. Фота: TUT.by
"У Беларусі, як і ў многіх іншых краінах, ад жанчын, якія адстойваюць правы чалавека, патрабуецца асаблівая мужнасць", — заявіла Спецыяльная дакладчыца па пытанні аб становішчы праваабаронцаў Мэры Лалор. Яна дадала, што жанчыны, якія прыходзяць на дапамогу іншым людзям, пацярпелым у ходзе падаўлення пратэстаў, самі становяцца ахвярамі рэжыму. Так, у перыяд з 6 верасня па 6 кастрычніка ў сувязі са сваёй праваабарончай дзейнасцю падчас пратэстаў пацярпелі, па меншай меры, тры жанчыны.
Спецыяльны дакладчык выказала занепакоенасць тым, што ў верасні была арыштаваная каардынатарка валанцёраў Праваабарончага цэнтра «Вясна» Марыя Рабкова. Яе абвінавачваюць у арганізацыі масавых беспарадкаў і падрыхтоўцы людзей да ўдзелу іх. Марыі пагражае ад шасці месяцаў да трох гадоў пазбаўлення волі па артыкуле 293 Крымінальнага кодэкса Беларусі.
"Абвінавачванне ў дачыненні да Марыі Рабковай — гэта крыміналізацыя праваабарончай дзейнасці", — лічыць эксперт ААН. Яна заклікала беларускія ўлады неадкладна вызваліць Рабкову і зняць з яе ўсе абвінавачванні.
Да гэтага закліку Мэры Лоўлар далучыліся і іншыя эксперты ААН. Яны таксама выказаў занепакоенасць пераследам яшчэ двух іншых жанчын-праваабаронцаў, сябраў экалагічнай НДА "Экадом" Ірыны Сухій і Марыны Дубінай. Абедзве былі затрыманыя па абвінавачванні ў парушэнні правілаў правядзення пратэстаў, але па меры разгляду справы следчыя ўвесь час мянялі даты пратэстаў, да якіх нібыта датычныя жанчыны. Абедзве актывісткі асуджаныя на кароткія тэрміны адміністрацыйнага затрымання.
«Гэтыя відавочныя парушэнні выклікаюць крайнюю турботу», — сказала Мэры Лоўлар. "Нестыкоўкі ў афіцыйных абвінавачваннях, вылучаных супраць гэтых двух адважных жанчын, выклікаюць сур'ёзныя пытанні адносна прававых падстаў для іх першапачатковага затрымання і наступнага вердыкту",— гаворыцца ў заяве.
Яго аўтары нагадалі Мінску пра тое, што дзейнасць праваабаронцаў у перыяд беспарадкаў важная як ніколі.
"Калі ўзрастае рызыка парушэнняў правоў чалавека, праца праваабаронцаў па дакументаванні [гэтых парушэнняў] становіцца надзвычай важнай. Іх нельга караць за гэтую дзейнасць", — заявілі спецыяльныя дакладчыкі ААН.
