Праваабарончы цэнтр «ВЯСНА»

Навіны за 26 чэрвеня 2020

26.06.2020 Аляксандр Грэчышнікаў: Умовы ў ЦІП, суд праз Skype і аднаўленне "крыміналкі"

Актывіст і журналіст Аляксандр Грэчышнікаў 22 чэрвеня вызваліўся з ЦІП і даведаўся пра Зноў распачатую на яго крымінальную справу. Ён распавёў «Вясне» аб тым, што яму давялося перажыць у ЦІП, а таксама пра тое, як гэта — калі судовае пасяджэнне праходзіць праз які стаў у апошні час папулярным фармат Skype-канферэнцыі.

26.06.2020 У Гродне да і падчас "ланцугу салідарнасці" адбыліся затрыманні

У Гародні 26 чэрвеня затрымалі сябра ініцыятыўнай групы Святланы Ціханоўскай Яўгена Амплеева. Пра гэта "Вясне" паведаміла каардынатарка ініцыятыўнай групы па Гарадзеншчыне Вольга Каракіна.

26.06.2020 Закрытыя ўстановы – небяспечнасці COVID-19: Ці будуць лячыць каранавірус у замежнікаў у Беларусі?

Юрыст Праваабарончага цэнтра "Вясна" Павел Сапелка прааналізаваў заканадаўства на прадмет аказання медыцынскай дапамогі замежным грамадзянам і асобам без грамадзянства пры захворванні каранавіруснай інфекцыяй у Беларусі.

26.06.2020 72-гадоваму Канстанціну Пачэпку суд выпісаў штраф

26 чэрвеня ў 16.30 адбыўся суд над Канстанцінам Пачэпкам у Маладзечна. Мужчыну судзілі за ўдзел у несанкцыянавым масавым мерапрыемстве, што адбылося ў горадзе 3 траўня.

26.06.2020 Уладзімір Лабковіч: Гэта не іх манастыр, гэта выбары

Чым запомніўся беларусам этап фармавання камісій — татальным недопускам самавылучэнцаў і прадстаўнікоў апазіцыі ў склад УВК, абмеркаваннем мінскімі чыноўнікамі ў прамым эфіры, за каго і як лепей галасаваць, і выказваннем старшыні Цэнтрвыбаркама Лідзіі Ярмошынай, што “у чужы манастыр са сваім статутам не ходзяць”.

26.06.2020 "Прама сёння мы дапамагаем тым, хто стаў ахвярай жорсткага абыходжання пры адвольных затрыманнях"

26 чэрвеня – Міжнародны дзень у падтрымку ахвяраў катаванняў, які быў абвешчаны Генеральнай Асамблеяй ААН у 1997 годзе і штогод праводзіцца з мэтай выкаранення ўсіх відаў катаванняў і бесчалавечнага абыходжання.

26.06.2020 Алесь Бяляцкі: Чаму толькі як перахварэлага на COVID-19 Аляксандра Кабанава цягаюць па этапах?

26 чэрвеня праваабаронцам "Вясны" стала вядома, што блогер Аляксандр Кабанаў знаходзіцца ў мінскім ЦІП на вуліцы Акрэсціна.

26.06.2020 Мінчука таемна асудзілі на 15 сутак за "заклікі да мітынгу праз тэлеграм"

Мінчука Уладзіслава Вавілава таемна асудзілі на 15 сутак арышту за тое, што хлопец нібыта заклікаў людзей на мітынг 21 чэрвеня праз тэлеграм. На пасяджэнне не змаглі трапіць ні сваякамі Вавілава, ні яго адвакат.

26.06.2020 Аналітычная справаздача аб назіранні за фарміраваннем участковых выбарчых камісій

Назіранне за выбарамі Прэзідэнта Рэспублікі Беларусь ажыццяўляецца РПГА “Беларускі Хельсінкскі камітэт” і ПЦ “Вясна” ў рамках кампаніі “Праваабаронцы за свабодныя выбары”.

26.06.2020 Конкурс дызайну паштовак салідарнасці. Паспей прыняць удзел!

Беларуская Праваабарончая Школа і ЗБС ў межах ініцыятывы “Майстэрня паштовак салідарнасці” абвесціла конкурс дызайнаў друкаванай прадукцыі (паштоўкі, канверты) для далейшага друку і выкарыстання ў акцыях падтрымкі і салідарнасці з усімі затрыманымі ў час выбарчай кампаніі.

26.06.2020 Валянцін Стэфановіч: Крымінальны пераслед блогераў носіць палітычны характар

У чацвер, 25 чэрвеня, стала вядома пра ўзбуджэнне чатырох новых крымінальных справах у дачыненні да блогераў. Так, крымінальныя справы заведзеныя на адміністратара тэлеграм-канала “Беларусь головного мозга” Ігара Лосіка, слуцкага блогера Уладзіміра Няронскага, блогера ютуб-канал MozgON Уладзіміра Цыгановіча і брэсцкага блогера Сяргея Пятрухіна.

26.06.2020 BY_Help заклікае падтрымаць рэпрэсаваных падчас выбарчай кампаніі

Ініцыятыва па зборы сродкаў BY_Help запусціла Краўдфандынг у падтрымку тых, хто быў затрыманы і прыцягнуты да крымінальнай ці адміністрацыйнай адказнасці ў перыяд выбарчай кампаніі 2020 года.

26.06.2020 Крымінальныя справы заведзены на youtube-блогераў Сяргея Пятрухіна і MozgON

Па інфармацыі, якую праваабаронцу "Вясны" Уладзіміру Вялічкіну паведаміў следчы, 25 чэрвеня брэсцкі блогер Сяргей Пятрухін дастаўлены ў ізалятар часовага ўтрымання Мінска. Ён, як і Сяргей Ціханоўскі і яшчэ як мінімум 10 чалавек, затрыманы ў межах крымінальнай справы па арт. 342 КК РБ, звязанай з падзеямі ў Гродна 29 траўня.