Праваабарончы цэнтр «ВЯСНА»

Навіны за Чэрвень 2015

26.06.2015 Суд над журналістам Алесем Леўчуком перанеслі на нявызначаны тэрмін

На пасяджэнне не з’явіўся сведка па справе. Нагадаем, што журналіста вінавацяць у незаконным вырабе інтэрв’ю з мясцовым футбалістам Раманам Васілюком. Сам жа Васілюк толькі дзякуе карэспандэнту за матэрыял і ніякага парушэння не бачыць.

26.06.2015 Прадстаўнікі Белпошты прызналі парушэнне моўнага заканадаўства і выбачыліся

У пошуку зніклай карэспандэнцыі па грамадска-палітычных справах салігорскаму сябру партыі АГП Віктару Малочка давялося звярнуцца ў мясцовае аддзяленне Белпошты з адмыловым зваротам. Свой запыт партыец накіроўваў на беларускай мове, але адказ атрымаў рускамоўны.

26.06.2015 Уладзіміру Валодзіну пагражаюць крымінальнай справай

Як стала вядома Праваабарончаму цэнтру “Вясна”, 25 чэрвеня з 12 гадзінаў гісторыка-эколага Уладзіміра Валодзіна турбуюць тэлефанаваннямі супрацоўнікі Ленінскага РУУС.

26.06.2015 “Вясноўцы” далучыліся да флэшмобу “Камітэта супраць катаванняў” (фота)

Праваабаронцы “Вясны” падтрымалі флэшмоб, ініцыяваны грамадскай арганізацыяй “Камітэт супраць катаванняў”.

26.06.2015 Гомельскім святарам пагражаюць крымінальным пераследам па артыкуле 193.1

У доме пастара абшчыны "Царква Божая" Праабражэнне" Сяргея Нікалаенкі, а таксама ягонага намесніка, у Гомелі супрацоўнікі міліцыі правялі агляд памяшканняў. Яны патлумачылі, што гэтыя дзеянні адбываліся ў межах расследавання крымінальнай справы па артыкуле 193.1 Крымінальнага кодэксу (дзеянні ад імя незарэгістраванай арганізацыі).

26.06.2015 Беларускія валанцёры: "Галоўнае - дапамагчы людзям, якія знаходзяцца ў роспачы”

Валанцёры працягваюць аказваць дапамогу перасяленцам з часова акупаванай тэрыторыі і раёнаў АТА ў Харкаве ды Львове.

26.06.2015 Павел Сапелка: Катаванні ў Беларусі - часта прыхаваная праблема (відэа)

У 1997 годзе Генеральная Асамблея ААН абвясціла 26 чэрвеня Міжнародным днём у падтрымку ахвяр катаванняў. Беларусь таксама можна аднесці да пераліку краінаў, дзе дагэтуль ужываюцца катаванні. Эксперт па пытаннях пенітэнцыярнай сістэмы, юрыст Праваабарончага цэнтра "Вясна" Павел Сапелка распавёў аб актуальнасці праблемы катаванняў у Беларусі.

26.06.2015 Дзярждэпартамэнт ЗША пра Беларусь: палітычныя арышты, злоўжываньні, карупцыя

Сёньня Дзярждэпартамэнт ЗША абнародаваў штогадовы даклад аб стане правоў чалавека ў розных краінах сьвету.

26.06.2015 У Берасці - суд над журналістам Алесем Леўчуком

Суд над журналістам прызначаны на 10:00 у пятніцу 26-га чэрвеня па адрасе г.Брэст, вул.Леванеўскага, 1.

26.06.2015 Статкевічу маглі дадаць тэрмін, — намеснік генпракурора Аляксей Стук

Намеснік генпракурора Аляксей Стук сказаў, што супраць Мікалая Статкевіча маглі прымяніць 411-ты артыкул і дадаць яму тэрмін.

25.06.2015 Баранавічы: каля памятнага знака ў гонар Палонкаўскай бітвы ўтворана вялікая сметніца

А гэта гістарычнае месца, дзе войска Рэчы Паспалітай пад кіраўніцтвам гетманаў Паўла Сапегі і Стэфана Чарнецкага ўшчэнт разбілі армію маскоўскага ваяводы Івана Хаванскага.

25.06.2015 Сустрэчы Мікалая Дзядка з адвакатам абмяжоўваюць чвэрцю гадзіны

25 чэрвеня спатканне Мікалая Дзядка з адвакатам доўжылася ўсяго 15 хвілін. Гэта не першы выпадак, калі час на зносіны з абаронай Мікалаю Дзядку жорстка абмяжоўваюць.

25.06.2015 Валанцёры-праваабаронцы пашырылі сваю дзейнасць на Львоў

З 24 чэрвеня беларускія валанцёры ў межах “Праваабарончай гуманітарнай місіі ва Украіне” наладжваюць супрацоўніцтва з львоўскімі недзяржаўнымі арганізацыямі.

25.06.2015 Жану Пцічкіну абмяжоўваюць у атрыманні інфармацыі

Чарговы адказ з Генеральнай пракуратуры атрымала Жана Пцічкіна - маці загінулага ў СІЗА Ігара Пцічкіна.

25.06.2015 Незалежных журналістаў з Глыбокага вінавацяць у парушэнні заканадаўства аб СМІ

Міліцыя распачала новыя справы за супрацоўніцтва з замежнымі СМІ без акрэдытацыі. 25 чэрвеня ў міліцыю выклікалі глыбоцкіх незалежных журналістаў Таццяну Смоткіну і Зміцера Лупача. Іх апытылі пра артыкулы на інтэрнэт-сайтах "Еўрарадыё" і Радыё “Рацыя".