Праваабарончы цэнтр «ВЯСНА»

Навіны за 23 чэрвеня 2015

23.06.2015 У Хоцімску дэмантуюць помнік Леніну. Часова

У гарадскім пасёлку Хоцімск дэмантуюць помнік Леніну. Кіраўніцтва Хоцімскага раёна “просіць усіх жыхароў Хоцімшчыны аднесціся з разуменнем і без трывогі і панікі прыняць гэты факт”. Чаму ўлады лічаць, што часовы дэмантаж помніка выкліча ў насельніцтва раёна трывогу і паніку, застаецца толькі здагадвацца.

23.06.2015 “Праваабаронцы супраць смяротнага пакарання” у фіналістах конкурса AD.NAK!

Медыя-прадукцыя кампаніі “Праваабаронцы супраць смяротнага пакарання” выйшла ў фіналісты Шостага фестывалю беларускамоўнай рэкламы і камунікацыі AD.NAK!

23.06.2015 Крычаў: кошт падробкі дакументаў участковым – пазбаўленне 50% прэміі за месяц

Мікалай Федарэнка скардзіўся на тое, што старэйшы лейтэнант Краўцоў без яго ведама склаў ад яго імя фіктыўнае тлумачэнне па грамадзянскай справе. Таксама пад гэтым тлумачэннем быў зроблены запіс “з маіх слоў запісана дакладна” і падроблены подпіс.

23.06.2015 Справа Кучуры: магілёўскія органы пайшлі ў ігнор

Жадаючы схаваць факт катаванняў у ПК-15, мясцовыя органы Следчага камітэта і пракуратуры нахабна пераварочваюць факты з ног на галаву ў адпісках на скаргі - нібыта злачыннага інцыдэнту ў калоніі і не было.

23.06.2015 Леанід Кулакоў пакараны арыштам на 10 сутак за салідарнасць з Юрыем Рубцовым

Адміністратыўная справа актывіста ««Еўрапейскай Беларусі» Леаніда Кулакова разгледжаная ў судзе Мінскага раёна 23 чэрвеня. Ён быў затрыманы яшчэ ў пятніцу, разам з Максімам Вінярскім і Сяргеем Мацкойцем.

23.06.2015 Каб ніхто не змог падкапацца: Лукашэнка распавёў, як трэба сёлета правесці прэзідэнцкія выбары

Прэзідэнцкія выбары ў Беларусі неабходна падрыхтаваць і правесці адкрыта, сумленна, спакойна і строга ў адпаведнасці з беларускім заканадаўствам і ўзятымі на сябе міжнароднымі абавязацельствамі.

23.06.2015 Праваабарончая гуманітарная місія ва Украіне: Свабода – гэта адказнасць

Беларускія валанцёры распавялі пра арганізацыю “Станцыя Харкаў” і тое, якія чынам яны функцыянуе: як арганізавана валанцёрская праца, выдача гуманітарнай дапамогі, працэс камунікацыі з перасяленцамі.

23.06.2015 Віцебская міліцыя прафілактыку правапарушэнняў праводзіць з парушэннямі

У віцебскім парку імя Фрунзэ з'явіліся аб'явы, прымацаваныя скотчам да слупоў. Гэта райаддзел міліцыі Кастрычніцкага раёну вырашыў правесці прафілактыку правапарушэнняў. Між тым падобныя дзеянні з'яўляюцца парушэннем "Парадку добраўпарадкавання і ўтрымання населеных пунктаў".

23.06.2015 Праваабарончая праграма “Вясна” на Беларускім Радыё Рацыя

"Каментар эксперта": Міліцыянты адабралі пашпарт у рэжысёркі Вольгі Нікалайчык яшчэ 26 траўня і не вяртаюць па сёняшні дзень, бо заяўляюць, што ён з'яўляецца часткай матэрыялаў яе справы. "Падзея": каардынатары кампаніі “Праваабаронцы за свабодныя выбары” абмеркавалі будучую кампанію з прадстаўнікамі БДІПЧ АБСЕ.

23.06.2015 Бацьку Мікалая Статкевіча абнадзеілі словы пра магчымае датэрміновае вызваленне сына

Прадстаўнікі грамадскіх арганізацый Баранавічаў 22 чэрвеня традыцыйна наведалі Статкевіча Віктара Паўлавіча. Найбольшае абмеркаванне выкліла меркаванне былога міністра міжнародных спраў Славакіі Павала Дэмэша.