Праваабарончы цэнтр «ВЯСНА»

Навіны за Сакавік 2015

23.03.2015 У Салігорску аднавіліся дабраахвотна-прымусовыя паборы

Прадпрыемствы і арганізацыі раёна атрымалі разнарадку з Салігорскага райвыканкаму аб неабходнасці кожнаму працаўніку рабіць штомесячныя адлічэнні цягам гэтага года на будаўніцтва сабору Нараджэння Хрыстова. Даводзіцца ўладамі і памер “дабраахвотных” адлічэнняў для кожнага работніка - адзін адсотак ад месячнага заробку.

23.03.2015 У Хоцімскім раёне механізатары праз страйк дамагліся змены старшыні СВК

17 сакавіка механізатары гаспадаркі адмовіліся выязджаць на працу (а зараз тут ужо пачаліся веснавыя палявыя работы), пакуль не будзе заменены старшыня СВК “Кастрычнік-Бярозкі” Мікалай Саўчанка, які дазваляў сабе вельмі грубыя і нетактоўныя адносіны да працаўнікоў прадпрыемства.

23.03.2015 Юры Рубцоў намагаецца спагнаць з суддзі Палулеха маральную шкоду

У выпадку, калі і судовая калегія адмовіць у правасуддзі, Юрась Рубцоў мае намер прайсці ўсе ўнутраныя сродкі прававой абароны, пасля чаго плануе вынесці гэты вердыкт беларускай судовай сістэмы на разгляд у Камітэт ААН па правах чалавека.

23.03.2015 Бабруйск: у газеце гарвыканкама за бягучы год – толькі адзін артыкул па-беларуску

У новай рэдакцыйнай палітыцы газеты "Бабруйскае жыццё" не знаходзіцца месца для беларускай мовы. У бягучым годзе выйшла 11 нумароў, і за гэты час выданне надрукавала толькі адзін артыкул на беларускай мове пад назвай "Не пакідайце ж мовы нашай беларускай, каб не ўмёрлі".

23.03.2015 Смяротнае пакаранне - прысуд не толькі злачынцам, але і іх родным (відэа)

Вольга Грунова, маці пакаранага смерцю Аляксандра Грунова, звяртаецца ва ўсемагчымыя органы ўлады, каб даведацца месца пахавання растралянага сына.

23.03.2015 Скарга да Генпракурора – апошняя надзея былога кандыдата ў дэпутаты

У сваёй скарзе Валерый Каранкевіч распавядае пра сваё незаконнае затрыманне 23.03.2014 г. непасрэдна на выбарчым участку ў Хоцімску, а таксама пра свае безвыніковыя звароты ў органы пракуратуры розных узроўняў са скаргамі на дзеянні супрацоўнікаў Хоцімскага РАУС.

23.03.2015 Пракурор запатрабаваў ад міліцыі знайсці тых, хто пагражае забойствам праваабаронцу і яго дзецям

23 сакавіка праваабаронцу Леаніда Судаленку апытаў участковы інспектар Чыгуначнага РАУС Гомеля Андрэй Падсасонны. Стала вядома, што гарадская пракуратура адмяніла пастанову аб адмове ва ўзбуджэнні крымінальнай справы па факце пагроз праваабаронцу і яго дзецям і запатрабавала ад міліцыі прыкласці ўсе намаганні, каб усталяваць IP-адрас тых, хто праз Інтэрнэт палохае сям’ю праваабаронцы.

23.03.2015 «Новы час» таксама атрымаў папярэджанне за “РБ”

Недзяржаўнай газеце “Новы час” таксама вынесена пісьмовае папярэджанне Міністэрства інфармацыі. Пра гэта паведаміў галоўны рэдактар газеты Аляксей Кароль.

23.03.2015 Салігорск: БХК завяршае даклад аб дыскрымінацыі беларускамоўных у рэгіёне

Салігорскія прадстаўнікі Беларускага Хельсінкскага камітэту завяршаюць працу над дакладам аб дыскрымінацыі беларускамоўных грамадзян у рэгіёне. Вынікі грамадскага маніторынгу будуць накіраваныя ў органы ўлады мясцовага і нацыянальнага ўзроўняў, у тым ліку кіраўніку краіны.

23.03.2015 Заява БХД: Свабоду палітвязням!

Нацыянальная Рада аргкамітэту па стварэнні партыі "Беларуская Хрысціянская Дэмакратыя” на сваім паседжанні 21 сакавіка прыняла заяву "Свабоду палітвязням!”:

22.03.2015 Сустрэча з Алесем Бяляцкім у Жодзіне (відэа)

Сустрэча з вядомым праваабаронцам, кіраўніком ПЦ “Вясна”, пісьменнікам, амніставаным палітзняволеным Алесем Бяляцкім прайшла 21 сакавіка ў Жодзіне.

22.03.2015 Бярозаўскія ўлады ў адзначэнні Дня Волі ўбачылі распальванне нацыянальнай варожасці

Бярозаўскія заяўнікі пікета на 25 сакавіка – да Дня Волі атрымалі адмову з райвыканкама. Адказ падпісаны намеснікам старшыні райвыканкама Яўгенам Тарасюком. Распараджэнне аб адмове – старшынёй Бярозаўскага райвыканкама Юрыем Наркевічам.

21.03.2015 Баранавіцкі актывіст толькі ў сакавіку выпадкова даведаўся, што яго судзілі яшчэ ў студзені

Аляксандр Вайцешык з адказу Нясвіжскай пракуратуры толькі цяпер даведаўся, што яго аштрафавалі на 3 базавыя велічыні яшчэ 12 студзеня 2015 года. Да паведамлення пракуратуры прафсаюзны актывіст аб рашэнні Нясвіжскага суда нічога не ведаў.

21.03.2015 Касацыйная скарга праваабаронцы Сяргея Гоўшы не задаволена Брэсцкім абласным судом

Суддзя Брэсцкага абласнога суда Ніна Усцімчук не ўбачыла падстаў для адмены рашэння суда горада Баранавічы і Баранавіцкага раёна, які прызнаў законнай забарону Баранавіцкага гарвыканкамам пікета, прымеркаванага да Міжнароднага дня правоў чалавека.

21.03.2015 Віншаванні з Днём Волі даслалі палітвязням з Хоцімскага раёна

Грамадскія актывісты з самага ўсходняга рэгіёну Рэспублікі Беларусь – Хоцімскага раёна – 20 сакавіка даслалі беларускім палітвязням віншавальныя паштоўкі са святам 25 сакавіка – Днём Волі.