Праваабарончы цэнтр «ВЯСНА»

Навіны за 27 сакавіка 2015

27.03.2015 Магілёўскі абласны суд не задаволіў наглядную скаргу па справе канфіскацыі незалежных газет

Старшыня Магілёўскага абласнога суда Ігар Прошка палічыў, што судзя Магілёўскага раённага суда Станіслаў Леўчанка прыйшоў да правільнай высновы аб тым, што канфіскаваная друкаваная прадукцыя валодае ўсімі прыкметамі, якія дазваляюць яе аднесці да прадукцыі СМІ.

27.03.2015 Белаазёрская міліцыя не знайшла вінаватых у распаўсюдзе паклёпніцкіх улётак

Актывісту “Гавары праўду” Валянціну Лазарэнкаву на яго скаргу знайсці вінаватых у вырабе і распаўсюдзе ўлётак паклёпніцкага зместу на яго адрас у горадзе Белаазёрску міліцыя адказала, што знайсці не ўявілася магчымым, і адміністрацыйная справа закрыта.

27.03.2015 Абвяшчаецца конкурс на ўдзел у Трэцяй Школе талерантнасці для беларускіх журналістаў

Трэцяя Школа талерантнасці для журналістаў арганізоўваецца і каардынуецца ініцыятывай “Журналісты за талерантнасць” і будзе праходзіць з 1 па 4 траўня 2015 года ў Нідзе, Літва. Уступная сесія адбудзецца 30 красавіка 2015 г. у Вільні. Дэдлайн падачы заявак - да 4 красавіка.

27.03.2015 Магілёўскаму журналісту Алесю Буракову міліцыя вярнула кампутар у няспраўным стане

Алесь Буракоў адзначае, што працаздольнасць кампутара праверыць у кабінеце маёра Пугачова з Ленінскага РАУСа, які вымаў абсталяванне на экспертызу, не атрымалася. Каб яго адрамантаваць, спатрэбілася дапамога спецыяліста.

27.03.2015 Ня выйшаў на працу — за краты!

У Гомелі абавязаных працаваць грамадзян пачалі арыштоўваць за прагулы. Найперш гэта датычыць тых бацькоў, які адмовіліся ад дзяцей і ня сплочваюць дзяржаве грошы на іх утрыманьне.

27.03.2015 Некаторыя правайдэры заблакавалі доступ да апазіцыйных сайтаў і сайту "Вясны"

Некаторыя правайдэры заблакавалі доступ да апазіцыйных сайтаў "Хартыя" і "Беларускі партызан". Пра праблемы з доступам TUT.BY паведамілі абаненты ADSL (Белінфанэт), IP Telcom і life.

27.03.2015 Менскі гарадскі суд не задаволіў скаргу абаронцаў Курапатаў

Менскі гарадскі суд не задаволіў скаргу абаронцаў мемарыялу ахвярам сталінскіх рэпрэсій ва ўрочышчы Курапаты.

27.03.2015 Праваабаронцы заклікаюць адмяніць артыкул «аб незашпіленым гузіку»

Праваабаронцы «Вясны» падрыхтавалі зварот у Палату прадстаўнікоў з прапановай выключыць з Крымінальнага кодэксу артыкул 411, які вязьні называюць артыкулам пра «незашпілены гузік».