Праваабарончы цэнтр «ВЯСНА»

Навіны за 26 сакавіка 2015

26.03.2015 Брэст: суд над незалежным журналістам Алесем Леўчуком адбыўся без яго ўдзелу (дададзена)

26 сакавіка ў судзе Маскоўскага раёна г.Брэста разглядалася адмінстрацыйная справа ў адносінах да Алеся Леўчука, але сам ён позвы на гэтае паседжанне не атрымаў і нават не здолеў даведацца, якое рашэнне прынятае судом.

26.03.2015 У Рэчыцы праходзіць выстава плакатаў супраць смяротнага пакарання

У памяшканні Рэчыцкага грамадска-палітычнага цэнтру працягвае працу выстава «Шэсць аргументаў супраць смяротнага пакарання», куды яна пераехала апошнім часам з Гомеля.

26.03.2015 Гомель: міліцыя склала пратакол на Кастуся Жукоўскага за «незаконны выраб прадукцыі СМІ»

Яго абвінавацілі ў працы без акрэдытацыі і патлумачылі, што ён 5 лютага здзяйсняў здымкі на відэакамеру школы №12 Гомеля, а 6 лютага на сайце тэлеканала «Белсат» з'явіўся матэрыял пад назвай «За забітае дзіцё пакаралі педагогаў ды медыкаў”.

26.03.2015 Гомельская міліцыя вінаваціць чарговага фрылансера ў незаконным вырабе “прадукцыі СМІ”

Як распавёў службе маніторынгу ГА “БАЖ” сам Жукоўскі, падставай паслужыў матэрыял на сайце тэлеканала “Белсат” (Польшча) пад назвай “ За забітае дзіцё пакаралі педагогаў ды медыкаў”.

26.03.2015 Справаздача па маніторынгу масавага мерапрыемства “Дзень Волі – 2015”

25 сакавіка 2015 года з 15 да 18 гадзін ў Мінску адбылося санкцыянаванае масавае мерапрыемства (дэманстрацыя). Падчас дадзенай акцыі ажыццяўлялася грамадскае назіранне па ініцыятыве РПГА “Беларускі Хельсінкскі Камітэт” і Праваабарончага цэнтра “Вясна” ў складзе 15 назіральнікаў, якія запаўнялі ўніфікаваныя карты з мэтай аб’ектыўнай ацэнкі характару сходу, а таксама фіксацыі магчымых парушэнняў правоў чалавека ў ходзе мерапрыемства.

26.03.2015 МУС ня хоча абмяркоўваць з БАЖ забарону фатаграфаваньня адміністрацыйных будынкаў

Кіраўніцтва «Беларускай асацыяцыі журналістаў» мела намер сустрэцца з намесьнікам міністра ўнутраных спраў Мікалаем Мельчанкам у ягоны прыёмны дзень. Аднак у прыёме старшыні ГА «БАЖ» Жаньне Літвіной і яе намесьніку Андрэю Бастунцу было адмоўлена.

26.03.2015 Фільм “Дысідэнт” цяпер і на DVD

Праваабарончы цэнтр “Вясна” выпусціў на DVD фільм “Дысідэнт”, які распавядае пра вядомага беларуса Міхася Кукабаку.

26.03.2015 Крычаў: начальства апраўдвае незаконныя дзеянні ўчастковага

Мікалай Федарэнка скардзіцца на тое, што старэйшы лейтэнант Краўцоў без яго ведама склаў ад яго імя фіктыўнае тлумачэнне па грамадзянскай справе. Таксама пад гэтым фіктыўным тлумачэннем быў зроблены запіс “з маіх слоў запісана дакладна” і падроблены подпіс.

26.03.2015 Павел Сапелка: Шанцы на вызваленне па амністыі мае толькі адзін палітвязень

Улады рыхтуюць чарговую маштабную амністыю, Еўрарадыё даведалася пра шанцы палітвязняў датэрмінова выйсці з турмы.

26.03.2015 МУС адмовілася сустракацца з кіраўніцтвам ГА “БАЖ” адносна фатаграфавання адміністрацыйных будынкаў

У Міністэрстве ўнутраных спраў гавораць, што не намераныя абмяркоўваць дадзенае пытанне з прадстаўнікамі журналісцкай супольнасці, “бо ўжо далі канчатковы адказ”.

26.03.2015 Пакуль падследных ў Беларусі катуюць - няма ўпэўненасці, што караюць вінаватых

Такога меркавання прытрымліваецца расійскі праваабаронца Дзмітрый Утукін з Камітэта супраць катаванняў, які накіраваў зварот да прэзідэнта Лукашэнкі з заклікам да мараторыя на смяротнае пакаранне.

26.03.2015 Журналісту Андрэю Мялешку адмовілі ў акрэдытацыі

Вядомаму гродзенскаму журналісту- фрылансеру Андрэю Мялешку адмовілі ў акрэдытацыі ў якасці журналіста “Беларускага Радыё Рацыя”. Сам журналіст так і не змог разабрацца, на якой падставе была зробленая гэтая адмова.

26.03.2015 Дзень Волі ў Менску і рэгіёнах

Назіральнікі з РПГА "Беларускі Хельсінскі камітэт" і ПЦ "Вясна" будуць праводзіць маніторынг масавага мерапрыемства, па выніках якога з'явіцца справаздача па назіранні за шэсцем і мітынгам.

26.03.2015 Гродзенскія актывісты БХД пазбаўлены працы

Гродзенскіх актывістаў БХД -- бацьку і сына Сяргея і Мікалая Верамеенкаў Міністэрства транспарту пазбавіла ліцэнзіі на перавозку пасажыраў, пазбавіўшы тым самым мажлівасці зарабляць сабе на жыццё тым спосабам, якім яны гэта рабілі раней.