Праваабарончы цэнтр «ВЯСНА»

Навіны за Лістапад 2014

24.11.2014 З'явілася надзея на аб'ектыўны суд у справе пра гібель Аляксандра Акуліча ў светлагорскім ІЧУ

Суд Светлагорскага раёна адмяніў пастанову аб адмове ва ўзбуджэнні крымінальнай справы па факце смерці Аляксандра Акуліча, пагадзіўшыся з усімі довадамі скаргі праваабаронцаў.

24.11.2014 Андрэй Гайдукоў чакае выкліку на адміністрацыйную камісію

"Я чуў, што па тэлефоне супрацоўнікі міліцыі камусьці тлумачылі, што мой выпадак будзе разбіраць адміністрацыйная камісія. Але ніякіх позваў у мяне пакуль няма – ні на пасяджэнне камісіі, ні ў суд", - распавёў Андрэй Гайдукоў.

24.11.2014 Брэст: аблвыканкам і пракуратура не знайшлі парушэнняў заканадаўства ў справе арэнды часткі ракі Мухавец

Адмоўныя адказы з гэтых устаноў атрымалі брэсцкія актывісты Беларускай сацыял-дэмакратычнай партыі (Грамада), якія заклікалі, каб улады адрэагавалі на тое, што ўчастак ракі працягласцю амаль 10 кіламетраў аддадзены Брэсцкім райвыканкам ў карыстанне прыватнай фірме.

24.11.2014 Дзяржава працягвае здзекі з маці пакараных смерцю (ФОТА)

Маці Аляксандра Грунова атрымала пасылку з турэмнай робай сына, якую сваякам пакараных высылаюць як «асабістыя рэчы». Пры гэтым запісы і сапраўды асабістыя рэчы не вяртаюцца.

24.11.2014 Асуджанага праваабаронцу Андрэя Бандарэнку змясцілі ў камеру ШЫЗА

Такое рашэнне прынята начальнікам калоніі ў якасці прымянення мер бяспекі, паведаміў бацька асуджанага Валерый Бандарэнка, які атрымаў ліст ад сына з папраўчай калоніі № 2 у Бабруйску.

24.11.2014 Жыхар Хоцімска скардзіцца міністру на супрацоўнікаў міліцыі

Грамадскі актывіст звяртаецца да міністра з просьбай паведаміць яму аб выніках службовай праверкі Хоцімскага РАУС і УУС Магілёўскага аблвыканкама з нагоды дапушчаных імі парушэнняў пры вядзенні адміністрацыйнага працэса па яго заяве і скарзе з нагоды абразаў і паклёпу на яго на інтэрнэт-рэсурсе voskresinfo.com.

21.11.2014 Праваабаронцу Уладзіміра Хільмановіча будуць судзіць за ўшанаванне памяці паўстанцаў у Свіслачы

21 лістапада праваабаронцу і публіцысту Уладзіміру Хільмановічу патэлефанаваў супрацоўнік Ленінскага РАУС Аляксей Вайцешка і паведаміў, што ў дачыненні да яго складзены пратакол пра адміністрацыйнае правапарушэнне.

21.11.2014 Дазвол на пікет салідарнасці з Украінай пастаўлены ў залежнасць ад… надвор’я

У судзе Маскоўскага раёна Мінска разглядалася скарга Уладзіміра Андрыенкі на рашэнне Мінгарвыканкама, які па відавочна надуманых прычынах не даў дазволу на правядзенне адзіночнага пікета салідарнасці з Украінай каля амбасады РФ.

21.11.2014 У Светлагорску забаранілі пікет па тэме правоў інвалідаў

Інваліду першай групы Юрыю Ляшэнка Светлагорскі гарвыканкам адмовіў у дазволе на правядзенне пікету, які планаваўся на 22 лістапада на цэнтральнай плошчы горада. Актывіст меў намер прыцягнуць увагу грамадскасці і выказаць пратэст супраць невыканання правоў інвалідаў пры капітальным рамонце жылога двухпавярховага дома па вуліцы Леніна.

21.11.2014 Бабруйск: Пляцоўка для пікетаванняў "занятая" на няпэўны час

Сябры бабруйскай суполкі АГП звярнуліся ў гарвыканкам па дазвол на правядзенне з 20 па 24 лістапада пікетаванняў супраць размяшчэння ў горадзе расійскай ваеннай базы. Актывісты лічаць, што з'яўленне базы супярэчыць артыкулу 18 Канстытуцыі.

21.11.2014 Аляксандра Меха чакае суд за ўскладанне кветак у Свіслачы

Пра гэта актывіста Партыі БНФ папярэдзілі ў Кобрынскім РАУС пад час выкліку па справе ўдзелу ў несанкцыянаваным мерапрыемстве ў Свіслачы 26 кастрычніка. Менавіта так расцанілі традыцыйны Дзень памяці паўстанцаў 1863-1864 гадоў, якая штогод ладзіцца ў Свіслачы Гродзенскай вобласці.

21.11.2014 Магілёўскі абласны суд адмовіў Аляксандру Буракову ў задавальненні касацыйнай скаргі

20 лістапада у Магілёўскім абласным судзе адбыўся разгляд касацыйнай скаргі незалежнага журналіста Аляксандра Буракова на пастанову суда Ленінскага раёна горада Магілёва аб пакаранні яго штрафам у памеры 40 базавых велічыняў за парушэнне заканадаўства аб СМІ (арт. 22. 9 ч. 2 КаАП РБ, “незаконны выраб і распаўсюд прадукцыі СМІ”).

20.11.2014 Папрасіў кнігу скаргаў і апынуўся на 2 дні ў міліцыі па абвінавачанні ў дробным хуліганстве

Прававы інспектар недзяржаўнага прафсаюза РЭП з Баранавічаў Аляксандр Вайцешык зусім нечакана трапіў на 2 дні за краты Нясвіжскага РАУС. Апынуўшыся 17 лістапада ў пункце грамадскага харчавання, ён папрасіў выдаць яму кнігу скаргаў і заўваг, аднак буфетчыца і дырэктар установы адмовіліся гэта зрабіць.

20.11.2014 Брэст: пракуратуру просяць праверыць, ці не парушаюць мясцовыя дэпутаты закон

Актывісты грамадзянскай ініцыятывы “Сацыяльны офіс” звярнуліся ў пракуратуру, каб наглядная ўстанова правяла праверку і зрабіла высновы: ці няма ў дзеяннях дэпутатаў Брэсцкага гарадскога савета прыкметаў парушэння дзеючага заканадаўства, бо яны своечасова не адказалі на зварот ад імя грамадзян.

20.11.2014 У Гомелі на Дзень правоў чалавека заяўлена вулічнае шэсце

Гомельскія праваабаронцы Анатоль Паплаўны і Леанід Судаленка, а таксама грамадзянская актывістка Галіна Бялова накіравалі ў гарвыканкам заяўку на правядзенне 10 снежня масавага мерапрыемства ў выглядзе вулічнага шэсця. Мэтай мірнага сходу заяўлена прыцягненне ўвагі жыхароў горада да наяўнасці ў краіне палітычных зняволеных.