Праваабарончы цэнтр «ВЯСНА»

Навіны за 19 верасьня 2014

19.09.2014 У Гродна міліцыя затрымала моладзевую актывістку

У Гродна 19 верасня міліцыя затрымала грамадскую актывістку Вольгу Крапоціну. Затрыманне адбылося ў цэнтры горада каля гандлёвага цэнтру “Баторыя”. У Вольгі Крапоцінай забралі 17 улётак з тэкстам “Вярніце Крым Украіне”, а яе саму павезлі ў аддзяленне міліцыі па вуліцы Гараднічанскай

19.09.2014 Івацэвічы: Валянцін Кавальчук лічыць, што яго змясцілі ў псіхбальніцу з-за скаргаў

Хутка год, як Валянцін Кавальчук дамагаецца даказаць, што ён псіхічна здаровы чалавек і быў незаконна гвалтоўна змешчаны ў псіхіятрычную бальніцу ў Магілёўцах.

19.09.2014 У Віцебску забаранілі тры пікеты ў падтрымку Украіны

Сябры Кансерватыўна-Хрысціянскай партыі БНФ Ян Дзяржаўцаў, Алег Емяльянаў і Пётр Сарапеня падавалі заяўкі на акцыі ў трох раёнах горада. І з трох раённых адміністрацый атрымалі адмовы.

19.09.2014 Суд Клімавіцкага раёна разгледзіць пазоў супраць УУС Магілёўскага аблвыканкама і ўчастковага інспектара

Суд Клімавіцкага раёна разгледзіць пазоў жыхаркі вёскі Дамамерычы Клімавіцкага раёна Алены Марчанкі аб абароне гонару, годнасці і дзелавой рэпутацыі 30 верасня.

19.09.2014 Праваабаронца Павел Левінаў патрабуе роўнасці СМІ перад законам

Ён лічыць, што распаўсюд у Віцебску зарэгістраванай ў Расійскай Федэрацыі газеты "Аптечка Еламеда" мусіць рэгулявацца тымі самымі правіламі, што і распаўсюд газеты "Витебский курьер". Але распаўсюд "ВК" забаронены, тады як "Аптечку Еламеда" віцябляне рэгулярна знаходзяць у сваіх паштовых скрынях.

19.09.2014 Самаабарона - асноўны парушальнік грамадзянскіх правоў у Крыме

Сітуацыя з правамі чалавека ў Крыме абмяркоўвалася падчас сустрэчы, арганізаванай БДІПЧ АБСЕ 19 верасня ў Варшаве.

19.09.2014 Арышты за «Кіно ў пераходзе»

Суддзя Таццяна Мотыль пакарала Насту Доль і Дзмітрыя Латушкіна арыштамі на 6 і 5 сутак адпаведна. Прытым Латушкін быў асуджаны "таемна" - без удзелу адваката і сведак.

19.09.2014 БАЖ устрымаецца ад удзелу ў маскоўскай канферэнцыі EFJ

Праўленне ГА “БАЖ” прыняло рашэнне ўстрымацца ад удзелу ў канферэнцыі Еўрапейскай Федэрацыі Журналістаў (EFJ), якая пройдзе ў лістападзе ў Маскве, на знак салідарнасці з украінскімі калегамі. Прыняцце заявы ГА «БАЖ» пракаментавала старшыня арганізацыі Жанна Літвіна.

19.09.2014 У Менску адбыўся круглы стол з нагоды 20-годзьдзя Закона “Аб грамадзкіх аб’яднаньнях”

Прыняцьцё закона ў 1994 годзе было пазытыўным крокам, але цяпер яго нормы цалкам дэвальваваныя, як вынік - неспрыяльныя ўмовы для НДА, кажа юрыст Юрый Чавусаў.

19.09.2014 Суд па справе Наталлі Бордак заняў некалькі хвілінаў

19 верасня ў Мінскім абласным судзе адбыўся пяты па лiку працэс па справе актывiсткі БХД Наталлі Бордак, якая неадступна абскарджвае штраф за плакат "НЕ— пуцiнскай вайне з Украiнай". Пастанова пра штраф пакінута ў сіле.

19.09.2014 Экспертыза застаецца камянём перапоны ў справе пра катаванні Пятра Кучуры

Год таму ў магілёўскай ПК-15 хлоркай быў атручаны Пётр Кучура. Увесь гэты час органы следства, пакрываючы адміністрацыю калоніі, усяляк пазбягаюць судмедэкспертызы, якая магла б пацвердзіць факт катаванняў асуджанага.

19.09.2014 Баранавічы: 24 верасня суд разгледзіць грамадзянскую справу Мікалая Чарнавуса аб абароне гонару і годнасці

На думку Мікалая Чарнавуса, супрацоўнік міліцыі распаўсюдзіў ілжывыя звесткі, што падчас затрымання ў пасля несанкцыянаванага страйку баранавіцкіх прадпрымальнікаў 2 ліпеня грамадскі актывіст сімуляваў пагаршэнне свайго стану здароўя.

19.09.2014 Бабруйск: Судовае пасяджэнне па справе незалежнай журналісткі перанесена на 23 верасня

Судовае пасяджэнне, на якім павінна была разглядацца справа Марыны Малчанавай, перанесена па яе просьбе. Журналістка падала хадатайніцтва адносна пераносу, каб яе адвакат мог азнаёміцца з матэрыяламі справы.

19.09.2014 Магілёўскі аблвыканкам парушае тэрміны разгляду калектыўных зваротаў грамадзян

Напрыканцы жніўня старшыня Магілёўскага аблвыканкама Пётр Руднік на паседжанні аблвыканкама заявіў, што з 1 верасня ў Магілёўскай вобласці будуць скарочаны тэрміны разгляду калектыўных зваротаў грамадзян з 15 дзён да сямі.

19.09.2014 Міліцыя затрымала 30 студэнтаў каля метро «Фрунзенская»

Сёння павінен быў адбыцца чарговы прагляд «кіно ў пераходзе». Удзельнікі хацелі паглядзець дакументальны фільм пра вулічнага мастака Бэнксі ў пераходзе каля журфака БДУ. Аднак каля 20.40 удзельнікаў мерапрыемства зноў затрымала міліцыя. Каля 30 чалавек даставілі ў Маскоўскі РАУС.