Праваабарончы цэнтр «ВЯСНА»

Навіны за 25 верасьня 2014

25.09.2014 Генпракуратура пагадзілася з тым, што затрымліваць кандыдата на выбарчым участку правільна (дакумент)

Грамадскі актывіст з Хоцімска Валерый Каранкевіч 24 верасня атрымаў адказ на сваю скаргу на дзеянні службовых асоб Хоцімскага РАУС з Генеральнай пракуратуры Рэспублікі Беларусь.

25.09.2014 Пракурор Шклоўскага раёна папярэдзіў “асобу”, якая несвоечасова рыхтавала адказы Кастусёву (дакумент)

25 верасня намеснік старшыні Партыі БНФ Рыгор Кастусёў атрымаў адказ з пракуратуры Шклоўскага раёна на сваю скаргу аб парушэннях заканадаўства аб зваротах грамадзян і юрыдычных асоб у Шклоўскім раённым выканаўчым камітэце, якую ён накіраваў у пракуратуру Магілёўскай вобласці 7 верасня.

25.09.2014 Віцэ-спікер бундэстага абяцае падтрымку ўсім палітвязням Беларусі

Пра гэта спн. Катрын Герынг-Экардт напісала Алесю Бяляцкаму ў віншавальным лісце з нагоды дня нараджэння праваабаронцы.

25.09.2014 Гродна: актывістка патрабуе вярнуць ёй забраныя міліцыянерамі рэчы

Грамадская актывістка з Гродна Вольга Крапоціна накіравала заяву на імя начальніка раённага аддзелу унутраных спраў Ленінскага раёна Васіля Найдзенкі, у якой просіць вярнуць незаконна забраныя ў яе інтэрнацкім пакоі супрацоўнікамі міліцыі рэчы: ноўтбук і дзве флэш-карткі памяці.

25.09.2014 Магілёў: штраф за перавозку газеты “НАШ Магілёў” і бюлетэня “Сацыял-дэмакрат” пакінуты ў сіле

Сёння, 25 верасня, Магілёўскі абласны суд у асобе суддзі Мікалая Гладкага пакінуў у сіле рашэнне Магілёўскага раённага суда з нагоды прысуджэння штрафу ў памеры 30 базавых велічынь і канфіскацыі амаль 12 тысяч газет у намесніка старшыні Беларускай сацыял-дэмакратычнай партыі (Грамады) Ігара Барысава.

25.09.2014 Баранавічы: суд па справе аб абароне гонару і годнасці перанесены з-за няяўкі адказчыка

У Баранавічах 24 верасня адбылося першае пасяджэнне гарадскога суда па грамадзянскай справе Мікалая Чарнавуса аб абароне гонару і годнасці. Грамадскі актывіст скардзіцца на дзеянні намесніка начальніка гарадскога аддзела ўнутраных спраў падпалкоўніка Эльдара Вільчкоўскага.

25.09.2014 "Вясна" і FIDH прадставілі ў АБСЕ агляд парушэнняў правоў чалавека ў Беларусі

24 верасня ў Варшаве ў рамках канферэнцыі АБСЕ па чалавечым вымярэнні ПЦ "Вясна" і Міжнародная федэрацыя за правы чалавека прадставілі агляд сітуацыі па правах чалавека ў Беларусі, у рамках якога быў прэзентаваны новы сумесны даклад - «Адвольныя прэвентыўныя затрыманні актывістаў у Беларусі».

25.09.2014 Салігорск: Агітацыйную прадукцыю Някляева правераць на наяўнасьць парнагарфіі і экстрэмізму

На мінулым тыдні беларуская сталіца шахцёраў адзначылася гучнымі ператрусамі ў вядомых салігорскіх апазіцыянераў Андрэя Тычыны і Уладзіміра Шылы. Супрацоўнікі аддзялення наркакантролю і супрацьдзеяння гандлю людзьмі Салігорскага РАУС шукалі ў мясцовых дэмакратычных актывістаў “парнаграфію”.