Праваабарончы цэнтр «ВЯСНА»

Навіны за Жнівень 2014

26.08.2014 Генсакратар АБСЕ: Асноўныя прынцыпы АБСЕ павінны быць абароненыя ва Украіне

Сепаратызм і змены ў межах павінны быць рашуча адхіленыя, а асноўныя прынцыпы АБСЕ мусяць выконвацца падчас крызісу ва Украіне, заявіў Генеральны сакратар АБСЕ Ламберта Заньер падчас Еўрапейскага форума, які прайшоў у аўстрыйскім Альпбаху.

26.08.2014 Незалежны журналіст у судзе аспрэчвае папярэджаньне пракуратуры

Гомельскі незалежны журналіст, сябра ГА «Беларускай асацыяцыі журналістаў» Мікола Бянько ў судзе Цэнтральнага раёна аспрэчвае афіцыйнае папярэджаньне абласной пракуратуры, вынесенае сёлета ў сакавіку за падрыхтоўку інфармацыйных матэрыялаў без акрэдытацыі на замежнае СМІ — Радыё Рацыя, зарэгістраванае на тэрыторыі Польшчы.

26.08.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: затрыманне расійскімі памежнікамі і допыт у ФСБ беларускіх актывістаў, якія 23 жніўня ехалі ў Катынь ушанаваць памяць ахвяраў сталінізму. “Асоба. Дзяржава. Грамадства”: вядомы мастак Мікола Купава - сябра аргкамітэту па арганізацыі фэсту да 500-годдзя "Аршанскай бітвы".

26.08.2014 Гомельскі гарвыканкам ухіляецца ад суда

25 жніўня не адбылося прызначанае на гэты дзень паседжанне суда Цэнтральнага раёна Гомеля па скарзе праваабаронцаў Анатоля Паплаўнага і Леаніда Судаленкі да Гомельскага гарадскога выканаўчага камітэта. Прадстаўнік гарвыканкама проста не з’явіўся ў суд.

26.08.2014 Затрыманы маладафронтавец Зьміцер Крамянецкі

Зьмітра Крамяняцкага міліцыянты забралі проста з дома. Пра затрыманьне ягоная дзяўчына паведаміла праваабаронцы Насьце Лойцы.

26.08.2014 Павел Вінаградаў арыштаваны на 10 сутак нібыта за дробнае хуліганства

У судзе Маскоўскага раёна Менску 23 жніўня была разгледжаная адміністратыўная справа актывіста “Zмены” Паўла Вінаградава. Яго пакаралі 10 суткамі арышту нібыта за дробнае хуліганства (арт 17.1 КаАП РБ).

25.08.2014 У Гомелі затрыманы грамадскі актывіст Кастусь Жукоўскі

У Гомелі 25 жніўня каля 18.00 быў затрыманы грамадскі актывіст Кастусь Жукоўскі. Прычым затрыманне адбылося ва ўласным прыватным двары дома актывіста, а ў аддзел яго забралі супрацоўнікі міліцыі, якіх ён сам жа і выклікаў.

25.08.2014 У Бярозе збіраюцца адзначыць Дзень беларускай вайсковай славы

Бярозаўскія праваабаронцы падалі заяву на пікет 8 верасня з мэтай адзначыць 500 угодкі бітвы пад Воршай, а таксама выказаць пратэст супраць размяшчэння вайсковых расійскіх баз на тэрыторыі Беларусі і наяўнасці палітвязняў.

25.08.2014 Брэст: жыхары гістарычнага будынка ў цэнтры горада дамагліся, каб гэты дом не быў знішчаны

Як паведаміў Турчаняк, ад самага пачатку было зразумела, што ў справе з домам №10 па вуліцы Астроўскага аблвыканкам перавысіў паўнамоцтвы, якія прадстаўлены гэтай установе Законам “Аб мясцовым кіраванні і самакіраванні”, бо чыноўнікі хацелі вырашыць лёс прыватнай уласнасці грамадзян без іх ведама і згоды.

25.08.2014 Шарамет: «Мы ўсе заплацім за наш канфармізм»

Журналіст Павал Шарамет даў інтэрвію Расейскай службе Радыё Свабода, у якім распавёў пра прапагандыстаў, абмен сумленьня на іпатэку і хваробы расейскага тэлебачаньня.

25.08.2014 Пазіцыя Еўрасаюза па Беларусі не змянілася

Пра гэта сёння ў Бруселі заявіла афіцыйны прадстаўнік кіраўніка дыпламатыі ЕС Кэтрын Эштан, каментуючы паездку Эштан на сустрэчу кіраўнікоў дзяржаў краінаў Мытнага саюза і Украіны, якая адбудзецца ў Мінску 26 жніўня.

25.08.2014 Гуманітарны канвой можа паўплываць на мінскія перамовы

Несанкцыянаванае Кіевам і Чырвоным крыжам уварванне расійскага гуманітарнага канвою на тэрыторыю Украіны можа негатыўна адбіцца на запланаваных перамовах у фармаце Украіна-ЕС-МС, якія пройдуць 26 жніўня ў Мінску.

25.08.2014 Харкаўскі дзёньнік Насты Лойка. Частка І

Беларуская праваабаронца дзеліцца ўражаньнямі ад валантэрства ў пункце дапамогі перасяленцам у Харкаве ды назіраньнямі за жыцьцём гораду, што знаходзіцца ў дзьвюх гадзінах язды ад самых гарачых кропак у зоне АТА.

25.08.2014 Да лідара Zmena Паўла Вінаградава прыйшла міліцыя

Пра гэта грамадскі актывіст напісаў толькі што ў сваім фэйсбуку: «Хочуць, каб дзверы адчыніў. А мне не хочацца) Дамовіліся, што роўна праз 2 гадзіны выйду самастойна. Пайду з рэчамі само сабой. Бывай, дарагі ФБ! Убачымся праз пару тыдняў», — напісаў Павел.

25.08.2014 У Беларусі ствараецца камісія па ацэнцы інфармацыйнай прадукцыі на прадмет экстрэмізму

Пастановай Савета Міністраў №180 ад 21 жніўня 2014 года ў Беларусі ствараецца Рэспубліканская экспертная камісія па ацэнцы інфармацыйнай прадукцыі на прадмет наяўнасці (адсутнасці) у ёй прыкмет праяў экстрэмізму, – паведамляе БелТА са спасылкай на ўрадавую прэс-службу.