Праваабарончы цэнтр «ВЯСНА»

Навіны за Ліпень 2014

29.07.2014 Салігорск: дзяржкамітэт па маёмасці не бачыць парушэння заканадаўства ў існаванні двухмоўных назваў вуліц

Мясцовая грамадскасць заяўляе пра праблемы з выкананнем назвамі ўнутрыгарадскіх аб’ектаў сваёй непасрэднай функцыі - адраснасці.

28.07.2014 Прызначана дадатковая праверка па справе аб катаваннях Пятра Кучуры

Пракурор горада Магілёва, разгледзеўшы скаргу жонкі асуджанага на адмову ва ўзбуджэнні крымінальнай справы супраць супрацоўнікаў ПК-15, адмяніў дадзеную пастанову Магілёўскага міжраённага аддзела Следчага камітэта.

28.07.2014 Міліцыя Акцябрскага просіць грамадзян выклікаць «102» пры з'яўленні ў населеных пунктах «асоб цыганскай нацыянальнасці»

Як жа пазбегнуць махлярства і іншых злачынстваў? Міліцыя праз газету дае парады, першая з якіх гучыць так: «Сцеражыцеся асоб цыганскай нацыянальнасці, якія пад любой падставай спрабуюць пранікнуць у ваша жыллё і здзяйсняюць крадзяжы грошай, каштоўнасцяў».

28.07.2014 Алесю Макаеву за бел-чырвона-белы сцяг - 15 сутак арышту

Актывіст прадпрымальніцкага руху Алесь Макаеў быў затрыманы супрацоўнікамі міліцыі 27 ліпеня ўвечары ў Менску.

28.07.2014 Гомельскі праваабаронца патрабуе ад пошты выкарыстання ў дакументацыі беларускай мовы

Гомельскі праваабаронца, сябра Беларускага Хельсінкскага камітэта Віктар Адзіночанка патрабуе ад пошты выкарыстання ў дакументацыі беларускай мовы. У канцы чэрвеня ён афармляў падпіску на беларускамоўную газету «Наша Ніва» у адным з гомельскіх аддзяленняў пошты. Квітанцыю на падпіску яму прапанавалі на рускай мове.

28.07.2014 У Салігорску збіраюцца пікетаваць за спрыяльнае навакольнае асяроддзе

Заява на правядзенне пікету па зборы подпісаў пад зваротам да ўладаў мясцовага і нацыянальнага ўзроўню з патрабаваннем рэальнага забеспячэння грамадзянам канстытуцыйнага права на спрыяльнае навакольнае асяроддзе пададзена ў сталіцы шахцёраў. Арганізатарам пікетавання выступіў мясцовы грамадскі актывіст Іван Шыла.

28.07.2014 Мікола Купава: "Мы звернемся да аршанскіх раённых ўладаў, каб не заміналі праводзіць фэст"

Паводле намесніка старшыні аргкамітэту, ураджэнца Оршы, мастака Міколы Купавы, бардаўскі фэст "Аршанская бітва" мусіць сёлета адбыцца абавязкова – нягледзячы на тое, што ў апошнія гады ён апынуўся пад забаронай.

Пракуратура Магілёўскай вобласці прыйшла да высновы, што затрымліваць кандыдата ў дэпутаты непасрэдна на выбарчым участку законна

28.07.2014 Пракуратура Магілёўскай вобласці прыйшла да высновы, што затрымліваць кандыдата ў дэпутаты непасрэдна на выбарчым участку законна

“Гэта проста цырк нейкі, - кажа Валерый Каранкевіч. – Супрацоўнікі хоцімскай міліцыі без усялякіх падстаў затрымлівалі мяне і на парламенцкіх выбарах 2012 года, і на выбарах у мясцовыя Саветы ў гэтым годзе, і пракуратура пастаянна лічыць іх дзеянні законнымі".

28.07.2014 Мікалай Статкевіч: пачасьціліся дробныя правакацыі

Былы кандыдат на прэзыдэнта Мікалай Статкевіч падчас тэлефоннай размовы з жонкай паведаміў пра новыя дробныя правакацыі супроць яго ў магілёўскай турме.

28.07.2014 Палітвязень Ігар Аліневіч даслаў першы ліст з калёніі «Віцьба-3»

Першы ліст з калёніі «Віцьба-3» прыйшоў бацькам ад палітвязьня Ігара Аліневіча. Апавядае бацька актывіста Ўладзімер Аліневіч.

28.07.2014 Гомель: міліцыя пагражае сустаршыні «Маладога Фронту» Андрусю Цянюту

27 ліпеня на хатні нумар сустаршыні «Маладога Фронту» Андруся Цянюты патэлефанаваў невядомы, які прадставіўся ўчастковым інспектарам міліцыі і ва ўльтыматыўнай форме запатрабаваў тэрмінова прыйсці ў аддзел міліцыі. Прычым міліцыянер, калі гэта быў ён, не ўскладняў размову тлумачэннем такога раптоўнага выкліку ў міліцыю ў нядзелю.

28.07.2014 Салігорск: чыноўнікі “дзяржаўную ідаэлогію” атаясамляюць з “карпаратыўнай культурай”

Салігорскія праваабаронцы зафіксавалі новую прыхаваную форму насаджвання так званай “дзяржаўнай ідэалогіі” на прадпрыемствах раёна. Цяпер гэта робіцца пад маскай карпаратыўнай культуры. Выкарыстанне такога эўфемізму ў лексіцы дзяржаўных ідэолагаў вызнаецца абсалютна адкрыта.

27.07.2014 Лібералізацыя па-беларуску: на мяжы канфіскавалі літаратуру

Удзельнікаў летніка “За еўрапейскую інтэграцыю Беларусі” спынілі на мяжы. Прычынай сталі беларускія выданні. Некалькі чалавек вярталіся з Польшчы праз памежны пераход у Баброўніках – там іх багажом зацікавілася памежніца.

26.07.2014 Бацька Васіля Парфянкова: Трымаюць у адзіночцы і не перадаюць лістоў

«Даслаў ён тыдзень таму ліст. Вось піша, што ад нас апошні ліст атрымаў ажно 30 красавіка. Значыць, лісты яму нашы не дастаўляюць. Потым, адправілі яму заказным лістом 5 траўня газэты.

25.07.2014 Бярозаўскі райвыканкам у чарговы раз не дазволіў пікет

Бярозаўскія праваабаронцы Сяржук Русецкі, Тамара Шчапёткіна і грамадская актывістка Таццяна Тарасевіч атрымалі адмову ў пікеце, які планаваўся 27 ліпеня. Мэтай пікету было нагадаць бярозаўчанам пра тое, што менавіта 27 ліпеня 24 гады таму была падпісана Дэкларацыя аб суверэнітэце Беларусі.