Праваабарончы цэнтр «ВЯСНА»

Навіны за 7 ліпеня 2014

07.07.2014 Салігорцы: Палітычных зняволенных трэба тэрмінова вызваліць

Салігорскія праваабаронцы з Беларускага Хельсінскага Камітэту пры падтрымцы інфармацыйнага інтэрнэт-рэсурса САЛІГОРСК.org паспрабавалі даведацца, ці вядома жыхарам беларускай сталіцы шахцёраў пра існаванне ў краіне палітычных вязняў і пра стаўленне салігорцаў да гэтай праблемы.

07.07.2014 Сябры БАЖ узгадалі Дзмітрыя Завадскага

7 ліпеня ў сталічным офісе ГА “Беларуская асацыяцыя журналістаў” адбылася сустрэча журналістаў з роднымі зніклага ў 2000 годзе аператара тэлеканала “ОРТ” Дзмітрыя Завадскага.

07.07.2014 У Парыжы Алесь Бяляцкі быў прыняты ў мэрыі і МЗС Францыі (фота, відэа)

Алесь Бяляцкі атрымаў у мэрыі Парыжа дыплом ганаровага грамадзяніна горада, гэтае званне яму было прысвоена ў 2012 годзе, калі ён знаходзіўся ў зняволенні. Пасля цырымоніі ў мэрыі праваабаронца быў прыняты паслом па правах чалавека МЗС Францыі і прадстаўнікамі Міністэрства замежных спраў. На абодвух прыёмах віцэ-прэзідэнт FIDH знаходзіўся ў суправаджэнні сваіх калегаў з Федэрацыі.

07.07.2014 У судзе Савецкага раёна Гомеля адбыліся «чысткі»

Суд Савецкага раёна Гомеля ў адзін дзень па ўказу прэзідэнта №297 ад 26 чэрвеня застаўся без трох суддзяў, у тым ліку намесніка старшыні. Яшчэ раней, вясной 2014 года, быў затрыманы па падазрэнні ў карупцыйным злачынстве яшчэ адзін намеснік старшыні суда Савецкага раёна Гомеля – Юрый Жораў. Пакуль яго лёс невядомы.

07.07.2014 Пяць гадоў запар рэдактар мазырскай раёнкі перадрукоўвае адзін і той жа тэкст-віншаванне з Днём незалежнасці (фота)

Да святкавання Дня незалежнасці 3 ліпеня 2014 года на сайце «Жыцця Палесся» з'явіўся чарговы пафасны панегірык Ларысы Чорнай на тысячы хвалебных слоў. Самае цікавае – тымі ж словамі, сказамі, фразамі, абзацамі яна выказвалася на тэму Дня незалежнасці і ў 2009, і ў 2011 і ў 2012 і 2013 годзе!

07.07.2014 У Оршы падалі тры заяўкі на пікет 27 ліпеня

Тры акцыі ў дзень прыняцця Дэкларацыі аб дзяржаўным суверэнітэце Беларусі падалі аршанскія актывісты АГП. Пікеты яны хочуць правесці ў трох месцах горада, адмыслова вызначаных для правядзення масавых мерапрыемстваў.

07.07.2014 У Бялыніцкім раёне сустракаюць Аляксандра Лукашэнку міліцыяй і паказухай

Работнікі жывёлагадоўчых ферм і комплексаў атрымалі загад ад свайго кіраўніцтва не трапляцца на вочы высокім гасцям, калі кіраўнік краіны і яго світа вырашаць наведаць які-небудзь з гэтых аб’ектаў.

07.07.2014 Жыхары Брэста заклікаюць міністэрства ЖКГ прымусіць гарадскія улады займацца добраўпарадкаваннем

Скаргу ў Міністэрства жыллёва-камунальнай гаспадаркі накіравалі жыхары брэсцкага мікрараёна Рэчыца, якія незадаволены тым, што мясцовы выканкам ігнаруе праблемы, якія існуюць на вуліцы Сонечнай.

07.07.2014 Еўракамісар Фюле нагадаў пра галоўную ўмову зменаў у адносінах паміж ЕС і афіцыйным Мінскам

Любыя станоўчыя змены ў адносінах Еўрапейскага Саюза з беларускімі ўладамі залежаць ад паляпшэння сітуацыі з правамі чалавека і безумоўнага вызвалення і рэабілітацыі ўсіх палітычных зняволеных.

07.07.2014 Корбана, Сяргеенку і Жылко пакаралі арыштамі (дапоўнена)

Затрыманых 2 ліпеня ў Менску актывістаў «Альтэрнатывы» Алега Корбана і Уладзіміра Сяргеенку па непадцверджанай афіцыйна інфармацыі паспелі асудзіць.

07.07.2014 Першае за год спатканне Міколы Статкевіча з жонкай

Мікола Статкевіч вельмі рады вызваленню Алеся Бяляцкага і просіць перадаваць яму прывітанне як мужнаму і годнаму чалавеку. Пра гэта расказала жонка палітычнага вязня Марына Адамовіч пасля сустрэчы з ім ў Магілёўскай турме.

07.07.2014 Палітвязень Лобаў здаў на зваршчыка. Дыплём паказалі — і забралі

У палітвязьня Эдуарда Лобава скончылася навучаньне на зваршчыка, якое ён праходзіў у івацэвіцкай калёніі. Падчас званку дамоў Эдуард Лобаў паведаміў, што пасьпяхова здаў экзамэн і атрымаў дыплём, які адразу забралі.

07.07.2014 Васіль Парфянкоў адмовіўся працаваць на турэмшчыкаў

Вязень турмы ў Горках Васіль Парфянкоў адбыў чарговыя 5 сутак у турэмным ШЫЗА, як называюць карцэр. Пра гэта Васіль Парфянкоў паведаміў актывістцы Вользе Мікалайчык, зь якой рэгулярна лістуецца, ды патлумачыў прычыну пакараньня.