Праваабарончы цэнтр «ВЯСНА»

Навіны за 2 ліпеня 2014

02.07.2014 У Мінску пачаліся прэвентыўныя затрыманні напярэдадні 3 ліпеня

2 ліпеня пасля 21.00 у Мінску затрыманыя старшыня грамадскай арганізацыі “Альтэрнатыва” Алег Корбан і актывіст Уладзь Сяргеенка. Абодва дастаўлены ў РУУС Партызанскага раёна.

02.07.2014 Баранавічы: індывідуальныя прадпрымальнікі другі дзень страйкуюць і збіраюць подпісы на імя прэзідэнта (фота)

Каля 300 індывідуальных прадпрымальнікаў Цэнтральнага гарадскога і Палескага рынкаў другі дзень калектыўна страйкуюць, выказваючы сваю нязгоду з указам Прэзідэнта № 222, які істотна ўскладняе іх працу. Абсалютная большасць ралетаў Цэнтральнага і Палескага рынкаў 2 ліпеня таксама зачынены, як і ў першы дзень страйку.

02.07.2014 Алесь Бяляцкі ў Еўрапарламенце: Мяне вызвалілі не проста так

Падчас візіту ў Страсбург 2 ліпеня былы палітвязень, кіраўнік ПЦ "Вясна" і віцэ-прэзідэнт Міжнароднай федэрацыі за правы чалавека (FIDH) даў прэс-канферэнцыю ў Еўрапарламенце.

02.07.2014 У Шклоўскім раёне аднавілі помнік яўрэям, загінулым падчас генацыда

На гарадскіх могілках вёскі Рыжкавічы 29 чэрвеня адбыўся ўрачысты мітынг, прысвечаны аднаўленню помніка яўрэям, якія сталі ахвярамі генацыда падчас другой сусветнай вайны. Усяго на дадзеных могілках пахаваны каля 2700 чалавек, якія былі растраляны ў двух шклоўскіх гета.

02.07.2014 Бабруйскія прадпрымальнікі другі дзень не выходзяць гандляваць (фота)

Другі дзень запар бабруйскі цэнтральны рынак сустракае пакупнікоў пустымі прылаўкамі. На мінулым тыдні "рэчавікі" масава вывешвалі ля сваіх кропак шыльды з надпісамі "Зніжкі. Распродаж". Зараз ажыўленасць назіраецца толькі на прадуктовых шэрагах пад купалам.

02.07.2014 Шведскі праваабаронца напісаў кнігу пра эвалюцыю дыктатуры ў Беларусі

Аўтар, кіраўнік Ostgruppen, Марцін Угла лічыць, што, дзякуючы знаёмству з яго кнігай “Памятка для дыктатара”, Беларусь ды яе сістэма будзе больш зразумелай для ўраду яго краіны і шараговага шведа.

02.07.2014 Маці Ігара Пцічкіна: Чаму больш як за паўгода экспэрты ня вызначылі прычыну сьмерці сына?

Ігар Пцічкін памёр ад спыненьня сэрца, але прычыны гэтага спыненьня ня выяўленыя. Пра гэта са спасылкай на экспэртызу цела сына паведаміла маці нябожчыка Жана Пцічкіна. 1 ліпеня яна больш за палову дня правяла ў Сьледчым камітэце Беларусі.

02.07.2014 У Варонежы напалі на праваабаронцу Андрэя Юрава

На яго думку, напад стаў часткай спланаванай кампаніі супраць Дома правоў чалавека і ўдзельнікаў фестывалю «Горад правоў», якую вядуць у ліку іншых удзельнікі «Маладой Гвардыі «Адзінай Расіі» ў Варонежскай вобласці.

02.07.2014 Прафэсар Астроўскі: Яшчэ летась мяне прымушалі напісаць заяву за інтэрвію незалежнаму сайту

Доктар мэдыцынскіх навук, прафэсар Гарадзенскага мэдунівэрсытэту Алесь Астроўскі пасьля 34 гадоў працы быў звольнены. Астроўскі быў адзіным выкладчыкам у Гарадзенскім мэдунівэрсытэце, які дагэтуль чытаў лекцыі па-беларуску.

02.07.2014 Алесь Бяляцкі наведаў Брусель і Страсбург

Алесь Бяляцкі, кіраўнік ПЦ "Вясна" і віцэ-прэзідэнт FIDH, 1 ліпеня ў Бруселі сустрэўся з прадстаўнікамі Еўрасаюза. 2 ліпеня паездка праваабаронцы працягваецца сустрэчамі з прадстаўнікамі Еўрапарламента і Савета Еўропы ў Страсбургу.