У Бялыніцкім раёне сустракаюць Аляксандра Лукашэнку міліцыяй і паказухай
7 ліпеня Бялыніцкі раён Магілёўскай вобласці наведвае кіраўнік краіны Аляксандр Лукашэнка.
Верталёт кіраўніка краіны здзейсніў пасадку ў Бялынічах каля будынка мясцовага ФАКа ў 9-30. Аляксандр Рыгоравіч у Бялыніцкім раёне павінен наведаць цэх па вытворчасці сыроў ААТ “Бабушкина крынка” у Бялынічах, а таксама некаторыя гаспадаркі раёна.
Аўтамабільны картэж прэзідэнты прыбыў у Бялынічы яшчэ раней, дзесьці каля 8 гадзін раніцы 7 ліпеня.
Зараз у Бялынічах практычна на кожным скрыжаванні стаяць супрацоўнікі міліцыі, на многіх вуліцах абмежаваны рух аўтамабільнага транспарта.
Напярэдадні візіта высокага госця Бялыніцкі раён літаральна “вылізвалі”, супрацоўнікі жылкамунгаса, сельскагаспадарчых і бюджэтных арганізацый у выходныя дні працавалі да глубока вечара, наводзячы “парадак” і “паказуху”.
Сёння многія супрацоўнікі дзіцячых садкоў і школ Бялыніцкага раёна, якія знаходзяцца ў адпачынку, атрымалі вусны загад ад чыноўнікаў аддзела адукацыі райвыканкама выйсці на працу і знаходзіцца на сваіх працоўных месцах, “бо можа заехаць прэзідэнт і трэба, каб паўсюль быў парадак”.
Работнікі жывёлагадоўчых ферм і комплексаў атрымалі загад ад свайго кіраўніцтва не трапляцца на вочы высокім гасцям, калі кіраўнік краіны і яго світа вырашаць наведаць які-небудзь з гэтых аб’ектаў.
Многія з бялынічан у прыватных гутарках выказваюць абурэнне тым, што, замест таго, каб азнаёміць Аляксандра Лукашэнка з рэальным станам спраў у Бялыніцкім раёне, чыноўнікі ствараюць “паказуху” і прыхарошваюць рэчаіснасць. Аднак далей нейкіх размоў і абмеркаванняў справа не ідзе, людзі баяцца ў голас сваю грамадзянскую пазіцыю.
