Праваабарончы цэнтр «ВЯСНА»

Навіны за Травень 2014

25.05.2014 Юрый Рубцоў абвясціў галадоўку супраць новага арышту

22 траўня суд Чыгуначнага раёна Гомеля асудзіў апазіцыйнага актывіста Юрыя Рубцова, які толькі вызваліўся пасля 25-сутачнага арышту з Мінскага ЦІПу, да 5 сутак адміністратыўнага арышту. У знак пратэсту супраць міліцэйскага і судовага свавольства ў ІЧУ Рубцоў абвясціў галадоўку.

24.05.2014 Андрусь Цянюта адлічаны з універсітэту

Сустаршыня “Маладога Фронту” Андрусь Цянюта адлічаны з гомельскага ўніверсітэта імя Францыска Скарыны. Актывіст завочна навучаўся па спецыяльнасці “Правазнаўства” на 3 курсе. Андрусь Цянюта пракаментаваў такое рашэнне: “Гэта форма ціску на мяне. Універсітэт Скарыны, рэктар якога — стаўленік самога Лукашэнкі, даўно зарэкамендаваў сябе як “кішэнны” ўніверсітэт, у якім адлічваюць за грамадскую дзейнасць".

24.05.2014 Футбольнага заўзятара аштрафавалі за нацыянальную сімволіку

24-гадовы жыхар сталіцы Алег быў затрыманы ўвечары 22 траўня на “Мінск-Арэне” - прыцягнуў да сябе ўвагу намаляваным на шчацэ бел-чырвона-белым сцяжком. 23 траўня суддзя суда Цэнтральнага раёна Вікторыя Шабуня пакарала яго штрафам за "дробнае хуліганства".

24.05.2014 Бабруйск: У блогера Жалнова зноў сканфіскавалі тэхніку

Вынікам ператрусу, які прайшоў у кватэры бабаруйчаніна Алега Жалнова, канфіскацыя тэхнікі, другая за апошнія сем месяцаў. У гэты раз, сцвярджае блогер, супрацоўнікі міліцыі знеслі з сабой вінчэсцер, флэшкі, ноўтбук, нядаўна набыты відэарэгістратар, дыскі.

23.05.2014 Юрый Рубцоў зноў затрыманы і знаходзіцца ў гомельскім ІЧУ

Выявілася, што Юрый Рубцоў па невядомай прычыне знаходзіцца ў гомельскім ІЧУ. Дзяжурны ІЧУ пацвердзіў дадзеную інфармацыю, але не паведаміў ніякіх падрабязнасцяў. «Знаходзіцца за здзяйсненне адміністрацыйнага правапарушэння», - адзінае, што адказаў дзяжурны. Ці быў ужо суд, у якім менавіта правапарушэнні абвінавацілі жыхара Гомеля – дзяжурны адмовіўся паведаміць.

23.05.2014 Улады зрываюць з'езд АГП

Партыі адмоўлена ў 15 памяшканнях для правядзення з'езду. Пра гэта сайту charter97.org паведаміў лідар Аб'яднанай грамадзянскай партыі Анатоль Лябедзька.

23.05.2014 Актывісты АГП нагадалі бабруйчанам пра палітвязняў (фота)

Бабруйскія актывісты АГП правялі 23 траўня каля цэнтральнага рынка яшчэ адну "інфармацыйную гадзінку". Бабруйчанам расказалі пра мясцовыя выбары і палітвязняў, а таксама раздалі свежы нумар газеты "Новы Час".

23.05.2014 Заява Міжнароднай камісіі супраць смяротнага пакарання па Беларусі: Расстрэл Рыгора Юзэпчука

Міжнародная камісія супраць смяротнага пакарання (ICDP) асуджае прымяненне ўладамі Беларусі смяротнага пакарання ў дачыненні да 45-гадовага Рыгора Юзэпчука, якое стала другім падобным выпадкам у 2014 годзе.

23.05.2014 У Магілёўскай вобласці міліцыя распісваецца ў бяссіллі ў змаганні з хакерамі і інтэрнэт-паклёпнікамі

Незалежны журналіст з Магілёва Аляксандр Буракоў атрымаў ужо другое ўведамленне з мясцовай міліцыі аб тым, што расследванне справы па яго заяве працягнута яшчэ на адзін месяц. Папярэдняе ўведамленне аналагічнага зместу Аляксандр Буракоў атрымаў у красавіку.

23.05.2014 Бабруйск: у кватэры блогера Жалнова ідзе ператрус

Ад раніцы ў кватэры бабруйскага блогера Алега Жалнова ідзе ператрус. Па папярэдняй інфармацыі, міліцыянты шукаюць відэазапіс, які тычыцца выпадку яго затрымання ў будынку УУС "з-за спробы дыстанцыйнага падрыву".

23.05.2014 У Брэсце аднавілі выпуск праваабарончага бюлетэня

Выданнем друкаванага бюлетэня “Брестское право”, які зараз плануецца рыхтаваць штомесяц і распаўсюджваць сярод жыхароў рэгіёна, займаецца мясцовае прадстаўніцтва РПГА “Беларускі Хельсінкскі камітэт”.

23.05.2014 Абаронцы Курапатаў дамагліся працэсу супраць Генэральнай пракуратуры

Калегія Менскага гарадзкога суду нечакана скасавала адмоўнае рашэньне наконт Курапатаў суду ніжэйшай інстанцыі. Барацьба грамадзкасьці за належны статус Курапатаў як нацыянальнага нэкропалю ахвяраў савецкага таталітарызму працягваецца.

23.05.2014 Заявы Лукашэнкі пра фальсіфікацыі цягнуць на імпічмент

Новыя заявы дыктатара - прамое прызнанне ў парушэнні закона. Усе падтасоўкі адбываюцца не ў раённых камісіях, а на выбарчых участках. Пра гэта ў інтэрв'ю сайту charter97.org заявіў намеснік кіраўніка ПЦ "Вясна", юрыст Валянцін Стэфановіч.

23.05.2014 Спецыяліст: У Беларусі выдаецца недастаткова «вартых кніг» для дзяцей на беларускай мове

У Беларусі выдаецца недастатковая колькасць «вартых кніг» на беларускай мове для дзяцей. Такую думку выказаў дырэктар Цэнтралізаванай сістэмы дзіцячых бібліятэк Мінска Таццяна Швед на пасяджэнні круглага стала 22 мая.

23.05.2014 Офіс па правах інвалідаў назваў нездавальняльным безбар'ернае асяроддзе ў Мінску на аб'ектах ЧС па хакеі

Валанцёры абследавалі 47 аб'ектаў. У іх ліку спарткомплексы «Мінск-Арэна» і «Чыжоўка-Арэна», цэнтральныя вакзалы і нацыянальны аэрапорт Мінск, хостэлы і гасцініцы, цэнтральныя ўнівермагі і іншыя.