Праваабарончы цэнтр «ВЯСНА»

Навіны за Сьнежань 2013

20.12.2013 Баранавічы: да трэцяй гадавіны Плошчы грамадскія актывісты наведалі бацьку Мікалая Статкевіча

Да трэцяй гадавіны падзей 19 снежня ў Мінску баранавіцкія грамадскія актывісты наведалі Статкевіча Віктара Паўлавіча. Статкевіч В.П. паведаміў нам пра апошнія лісты ад сына Мікалая і казаў, што не верыць у датэрміновае вызваленне сына, нягледзячы на магчымае паляпшэнне стасункаў з Еўрапескім Саюзам.

20.12.2013 Суды не хочуць разглядаць скаргу аб дыскрымінацыі па прафсаюзнай прыналежнасці

А.Сахарук – адзіны работнік УМ, які не з’яўляецца сябрам афіцыйнага прафсаюза. Згодна Працоўнага кодэкса ч. 2 арт. 365, не сябру прафсаюза патрэбна напісаць заяву, каб яго далучылі да калектыўнай дамовы. Тады работнік будзе атрымліваць сацыяльныя выплаты, прадугледжаныя калектыўнай дамовай.

20.12.2013 Эштан заклікала Беларусь увесьці мараторый на сьмяротнае пакараньне

Вярхоўны камісар Эўразьвязу па пытаньнях зьнешняй палітыкі і бясьпекі Кэтрын Эштан выказала шкадаваньне з нагоды сьмяротнага прысуду, вынесенага Менскім абласным судом. Эштан спадзяецца, што права на абскарджаньне будзе цалкам забясьпечана.

20.12.2013 Пасля акцыі каля Чырвонага касцёла затрыманы два чалавекі

Грамадскі актывіст Максім Вінярскі і яго паплечніца Наталля Гарачка 19 снежня былі затрыманыя каля Чырвонага касцёла ў Мінску пасля акцыі з нагоды трэцяй гадавіны разгону ўдзельнікаў масавага пратэсту, якія выступілі супраць афіцыйных вынікаў прэзідэнцкіх выбараў.

19.12.2013 Запрашэнне на прэс-канферэнцыю

“Праваабаронцы за свабодныя выбары” запрашаюць 20 снежня прадстаўнікоў сродкаў масавай інфармацыі на прэс-канферэнцыю, прысвечаную пачатку кампаніі па маніторынгу выбараў у мясцовыя Саветы дэпутатаў Беларусі 27-га склікання.

19.12.2013 У Менску ўзнагародзяць Чэмпіёнаў грамадзянскай супольнасьці

Пятая штогадовая цырымонія ўзнагароджаньня прэміі Асамблеі няўрадавых дэмакратычных арганізацыяў “Чэмпіёны грамадзянскай супольнасьці” пройдзе 23 сьнежня ў Менску. Прэміяй уганароўваюцца выбітныя асобы, арганізацыі й падзеі, якія былі знакавымі й значнымі для разьвіцьця беларускага трэцяга сэктару за 2013 год.

19.12.2013 Журналістку не ўзялі на працу праз званок з КДБ?

Кіраўніцтва ж будучага парталу “Вся Беларусь” сцвярджае, што Алена Барэль проста не прайшла выпрабавальны тэрмін з-за сваіх палітычных поглядаў.

19.12.2013 Бялыніцкая раёнка распавяла, колькі сапраўды зарабляюць даяркі

“Пяць даярак абслугоўваюць 341 карову, - кажа Алена Іванаўна. – Працуем без выхадных, паколькі адсутнічае падменная даярка. Разрываемся паміж фермай і домам. Калі што не так – праўленне гаспадаркі карае рублём. Вось зарабіла за месяц мільён сорак тысяч рублёў. Як за гэтыя грошы жыць, вучыць дзяцей?”.

19.12.2013 Марына Адамовіч: “Мікола – сам, як сонейка”

Тры гады таму, у марозны снежаньскі вечар, кандыдат у Прэзідэнты Рэспублікі Беларусь Мікалай Статкевіч браў удзел у акцыях на плошчах Кастрычніцкай і Незалежнасці ў Менску. Пасля абвяшчэння вынікаў выбараў адбыўся жорсткі разгону шматтысячнага мітынгу, Статкевіч быў заблакаваны спецназам ў аўтамабілі і затрыманы.

19.12.2013 На еўрамайдане ў Кіеве пройдзе акцыя салідарнасці з Беларуссю

Яна распачнецца 19 снежня а 13-й (паводле ўкраінскага часу) на Майдане незалежнасці. Акцыя прымеркаваная да трэцяй гадавіны разгону Плошчы ў Мінску.

19.12.2013 Ператрус на кватэры баранавіцкага актывіста БХД

Увечары 18 снежня адбыўся ператрус на кватэры баранавіцкага актывіста БХД Арцёма Бабея. Пра гэта прэсавай службе БХД паведаміў каардынатара БХД па берасцейскай вобласці Зміцер Шурхай.

19.12.2013 FIDH і ПЦ "Вясна" патрабуюць неадкладнага і безумоўнага вызвалення Мікалая Статкевіча і іншых палітзняволеных

Сумесная заява Міжнароднай федэрацыі за правы чалавека (FIDH) і Праваабарончага цэнтра "Вясна" з нагоды трэцяй гадавіны зняволення кандыдата ў прэзідэнты на выбарах-2010 Мікалая Статкевіча.

18.12.2013 Беларускія палітвязьні пра Вацлава Гаўла

Роўна два гады таму памёр Вацлаў Гавэл, першы посткамуністычны прэзыдэнт Чэхаславаччыны, а пасьля незалежнай Чэхіі. Вацлаў Гавэл вельмі пільна сачыў за сытуацыяй у Беларусі. Ён ня раз выказваў падтрымку дэмакратычным сілам, асабіста пісаў лісты палітзьняволеным.

18.12.2013 Глыбоччына: жыхары вёскі патрабуюць захаваць школу

Жыхары вёскі Верхняе сабралі подпісы пад калектыўным лістом у райвыканкам супраць закрыцця школы. Месяц таму яны звярталіся да ўладаў, каб у Верхнім пакінулі паштовае аддзяленне. Але адказу дагэтуль не атрымалі.