Праваабарончы цэнтр «ВЯСНА»

Навіны за Сьнежань 2013

21.12.2013 Бялынічане павіншавалі палітвязняў з надыходзячымі святамі

Грамадскія актывісты з Бялыніцкага раёна 20 снежня адправілі віншавальныя паштоўкі з Раством Хрыстовым і надыходзячым Новым 2014 годам усім беларускім палітвязням. Яны выказвалі спадзяванне, што выпрабаванні гэтых мужных людзей скончацца ўжо ў хуткім часе, і надыходзячы Новы год спраўдзіць іх мары пра вызваленне.

21.12.2013 Безбар’ерны асяродак па-салігорску -- магчымасць даехаць да бальніцы

Кіраўніцтва салігорскага аўтобуснага парка №1 не завадаволіла просьбу праваабаронцы Аляксея Валабуева аб прывядзенні арганізацыі руху грамадскага транспарту і інфармацыйных матэрыялаў аб яго раскладзе ў адпаведнасць з аб’ектыўнымі патрэбамі людзей з абмежаванымі магчымасцямі.

21.12.2013 Баранавічы: маці актывіста БХД звярнулася ў пракуратуру

Карніцкая Ірына, маці грамадскага актывіста БХД Бабея Арцёма, звярнулася ў Баранавіцкую міжраённую пракуратуру з нагоды праведзенага 18 снежня ператрусу. Яна лічыць дзеянні супрацоўнікаў міліцыі пераследам яе сына па палітычных матывах і просіць правесці пракурорскае расследаванне.

21.12.2013 Бабруйск: Пікет не дазволілі, былі распаўсюджаны газеты (фота)

Старшыня бабруйскай суполкі АГП Віктар Бузінаеў атрымаў адказ з гарвыканкама за подпісам намесніка старшыні Аляксандра Маркачова. У паперы гаварыцца, што шэсце і пікет, які актывісты хацелі правесці 21 снежня, у знак салідарнасці з украінцамі, не дазволены.

20.12.2013 Акцыя «Стоп-падатак» у Менску (аднаўляецца)

Сёння, 20 снежня а 18-й гадзіне аўтаўладальнікі збіраюцца выехаць на цэнтральныя плошчы і праспекты гарадоў, у знак пратэчту супраць увядзення з 2014 года транспартнага падатку. Заклікі да акцыі з’явіліся некалькі дзён таму ў розных сацыяльных сетках.

20.12.2013 Вярхоўны суд вырашыць, якім чынам інфармаваць журналістаў пра вынясенне і выкананне смяротных прысудаў

Пра гэта заявіў намеснік старшыні ВС Валер Калінковіч на сустрэчы з журналістамі.

20.12.2013 Вярхоўны Суд: галоснасць правасуддзя або абмежаванне правоў удзельнікаў працэсу?

Вярхоўны Суд падрыхтаваў праект Пастановы Пленума Вярхоўнага Суда Рэспублікі Беларусь «Аб забеспячэнні галоснасці пры ажыццяўленні правасуддзя і доступу да інфармацыі аб дзейнасці судоў».

20.12.2013 Абсерваторыя па абароне праваабаронцаў асуджае абмежаванне доступу да сайта Праваабарончага цэнтра "Вясна"

Абсерваторыя выказвае заклапочанасць у сувязі з рашэннем урада Беларусі аб выкарыстанні цэнзуры ў дачыненні да сайта ПЦ “Вясна” і лічыць яго спосабам спынення дзейнасці ў галіне правоў чалавека.

20.12.2013 Малчанаву пагражае працяг прэвэнтыўнага нагляду

Былы палітвязень Аляксандар Малчанаў даведаўся, што Барысаўскі РАУС падаў у суд хадайніцтва аб працягу ў дачыненьні да яго прэвэнтыўнага нагляду, які на дадзены момант павінен скончыцца ў студзені

20.12.2013 Змены ў Выбарчы кодэкс не адлюстроўваюць прынцыповых заўвагаў незалежных назіральнікаў

Пра гэта праваабаронцы адзначылі на прэс-канферэнцыі, прысвечанай пачатку кампаніі "Праваабаронцы за свабодныя выбары" па маніторынгу выбараў у мясцовыя Саветы дэпутатаў 27-га склікання.

20.12.2013 Максім Вінярскі абвесціў галадоўку з нагоды арышту

20 снежня суд Цэнтральнага раёна Мінска пакараў Максіма Вінярскага адміністратыўным арыштам на 15 сутак за "несанкцыянаванае пікетаванне" ў знак салідарнасці з Майданам. Актывіст на знак пратэсту супраць рашэння суддзі Вікторыі Шабуня абвесціў галадоўку.

20.12.2013 Маці памерлага ў светлагорскім ІЧУ затрыманага звернецца ў суд

Апошняй кропляй стала адпіска раённага пракурора Уладзіміра Тарасенкі, якая паказала бессэнсоўнасць далейшай перапіскі з органамі пракуратуры. Ён разгледзеў скаргу Валянціны Акуліч, нават не азнаёміўшыся з матэрыяламі праверкі па факце смерці яе сына.

20.12.2013 Камітэт ААН: Беларусь павінна адмовіцца ад выкарыстання прымусовай працы

Беларусь павінна адмовіцца ад выкарыстання прымусовай працы і забяспечыць належную абарону правоў працоўных. Гэта адна з важных рэкамендацый Камітэта ААН па эканамічных, сацыяльных і культурных правах, прынятая па выніках разгляду становішча спраў у Беларусі ў лістападзе 2013 г.

20.12.2013 Сталі вядомыя новыя падрабязнасці пра Эдуарда Лыкава, якому вынесены смяротны прысуд

Следчы камітэт паведаміў "Савецкай Беларусіі" дэталі пяці злачынстваў. Адметна, што па адным з забойстваў сем год зняволення за кратамі адбыў абсалютна невінаваты чалавек.

20.12.2013 Баранавічы: ператрус у кватэры актывіста БХД тлумачаць канфліктам мясцовых хлопцаў з туркменамі

Як адзначыла мама Арцёма Бабея Ірына Карніцкая, супрацоўнікаў міліцыі падчас ператрусу больш цікавілі паперы Арцёма, чым рэчавыя доказы яго дачынення да маладзёвай бойкі 13 снежня ў цэнтры горада.