Праваабарончы цэнтр «ВЯСНА»

Навіны за Ліпень 2013

19.07.2013 Дзень народзінаў за кратамі

Зміцер Дашкевіч трэці год запар сустракае свае народзіны за кратамі. 20 ліпеня лідару “Маладога Фронту” і вязню сумлення спаўняецца 32 гады. Жонка палітзняволенага Наста Дашкевіч напярэдадні вандроўкі да турмы ў інтэрв’ю Радыё Рацыя распавяла пра падарункі для мужа, каханне і дзяцей.

19.07.2013 Марына Адамовіч: Нарэшце я магу перыядычна чуць голас свайго мужа

Мікола Статкевіч адстаяў сваё права на тэлефанаванне «на волю». Палітзняволены скарыстаўся адзінай дазволенай магчымасцю дзеля размовы з жонкай – Марынай Адамовіч. Праз працяглы час, кажа жанчына, зноў змагла пачуць мужа.

19.07.2013 Гарадзенскія праваабаронцы да другой гадавіны зняволення Алеся Бяляцкага падалі заяўку на пікет

Заяўка на правядзенне інфармацыйнага пікету ў гарадскім Каложскім парку, якую падпісалі Віктар Сазонаў, Раман Юргель і Уладзімір Хільмановіч, пададзена на 4 жніўня – дзень, калі быў арыштаваны кіраўнік Праваабарончага цэнтру “Вясна” Алесь Бяляцкі.

19.07.2013 Бабруйск: У кватэры Валянціны Каваленка прайшоў ператрус

У кватэры Валянціны Каваленка, актывісткі Грамадзянскай ініцыятывы супраць беззаконня ў судах і пракуратуры, 19 ліпеня прайшоў ператрус. Як паведаміла жанчына праваабаронцам, супрацоўнікі міліцыі шукалі ў яе доме наркотыкі.

19.07.2013 Ірыну Халіп вызвалілі ад пакарання, але свабоднай сябе яна не лічыць

Суд Партызанскага раёна Менска 19 ліпеня вызваліў ад пакарання журналістку Ірыну Халіп, асуджаную 16 мая 2011 года нібыта за ўдел у так званых масавых беспарадках у Мінску 19 снежня 2010 года да двух гадоў пазбаўлення волі з адтэрміноўкай выканання пакарання на два гады.

19.07.2013 Бабруйск: Чыноўнік з аддзела архітэктуры згубіў прапановы жыхароў?

“Меркаванні грамадзян па найменні вуліц і завулкаў Бабруйска ні ў пісьмовай, ні ў вуснай, ні ў электроннай форме ва ўстаноўлены тэрмін не паступілі”, - цытуе словы Дзмітрыя Дацко, намесніка начальніка аддзела архітэктуры і горадабудаўніцтва, газета гарвыканкама “Бабруйскае жыццё”.

19.07.2013 Мінскі абласны суд не задаволіў скаргу Уладзіміра Шылы на забарону пікета

Мінскі абласны суд палічыў просьбу заяўніка аб ускладанні абавязкаў па забеспячэнні грамадскага парадку і бяспекі на органы мясцовай улады дастатковай прычынай для забароны масавага мерапрыемства.

19.07.2013 Cуд па справе Ірыны Халіп

19 ліпеня ў судзе Партызанскага раёна Менска разглядаецца крымінальная справа журналісткі Ірыны Халіп. Суддзя - Рыта Шаграй.

18.07.2013 Шчучын: па факце знішчэння крыжа ў гонар камандзіра Арміі Краёвай пададзена скарга ў пракуратуру

Старшыня незарэгістраванага Саюзу палякаў у Беларусі Мечыслаў Яськевіч і сябра гэтай арганізацыі Вераніка Себасьцяновіч склалі скаргі ў Гарадзенскую абласную пракуратуру на прадмет акту вандалізму ў Шчучынскім раёне.

18.07.2013 Аляксей Шчадроў імкнецца зарэгістраваць дабрачынную арганізацыю

Аляксей Шчадроў, супраць якога пачата крымінальная справа паводле артыкулу 193.1 Крымінальнага кодэкса (дзейнасць ад імя незарэгістраванай арганізацыі), імкнецца зарэгістраваць дабрачынную арганізацыю місіянераў дабрачыннасці імя Маці Тарэзы з Калькуты.

18.07.2013 FIDH заклікае да акцыяў у падтрымку беларускіх палітвязняў у час візіту Уладзіміра Макея ў Брусэль

Міністр замежных спраў Беларусі Уладзімір Макей наведае Брусэль у панядзелак, 22 ліпеня, пасля таго, як у чэрвені ЕС зняў абмежаванні ў дачыненні да яго, нягледзячы на той факт, што ў Беларусі 12 палітзняволеных па-ранейшаму застаюцца за кратамі. 22 ліпеня FIDH арганізуе дэманстрацыю ў Брусэлі з нагоды гэтага візіту.

18.07.2013 Сяргей Марцалеў: “Хачу сустрэць з турмы Міколу Статкевіча”

Па крымінальнай справе Сяргея Марцэлева суда не чакаецца. Пра гэта палітвязьню паведамілі ў крымінальна-выканаўчай інспекцыі Партызанскага раёна Менска.

18.07.2013 Суд адмовіўся разглядаць іск Віктара Малочкі супраць Салігорскага тэлеканала

Паводле вызначэння суда, “па пытаннях, датычных сферы жыццядзейнасці насельніцтва ў галіне сувязі адказнымі за разгляд зваротаў па сутнасці з’яўляюцца аддзелы ідэалагічнай працы раённых выканаўчых камітэтаў, а выйшэйстаячым органам - галоўныя ўпраўленні (аддзелы) ідэалагічнай працы абласных выканаўчых камітэтаў”.

18.07.2013 Старшыня Магілёўскага абласнога суда прыпыніў спагнанне штрафу з Валерыя Вусіка

Нагадаем, што 29 сакавіка 2013 года старшыня суда Бялыніцкага раёна Уладзімір Гуз пакараў Валерыя Вусік аштрафам у памеры 30 базавых велічынь за паклёп у адрас старшыні СВК “Лебедзянка” Пятра Бялова і штрафам у памеры 20 базавых велічынь за парушэнне артыкула 17 Закона аб СМІ пры распаўсюдзе газеты “Магілёўскі Выбар”.

18.07.2013 Гомель: паўсотні лістоў палітвязьням за гадзіну

17 ліпеня надвячоркам грамадзкія актывісты Гомелю сабраліся ў цэнтральным аддзяленьні паштовай сувязі й напісалі лісты й паштоўкі беларускім палітвязьням.