Праваабарончы цэнтр «ВЯСНА»

Навіны за 22 ліпеня 2013

22.07.2013 Брэст: распачаты збор падпісаў за дазвол перасячэння мяжы на роварах

Актывісты мясцовых велаклубаў маюць намер звярнуцца ў Дзяржаўны памежны камітэт Рэспублікі Беларусь, каб дамагчыся дазволу на перасячэнне мяжы на роварах у пунктах пропуску падчас вандровак за мяжу.

22.07.2013 Дзяржвыданне распавяло пра “палітсалдата” Міхаіла Мускага

На інтэрнэт-сайце раённай газеты “Асіповіцкі край” 16 ліпеня з’явіўся артыкул Дзмітрыя Саўрыцкага “Белая варона” у камуфляжы”, у якім распавядаецца пра службу ў 36 дарожна-маставой брыгадзе актывіста “Маладога Фронта” Міхаіла Мускага.

22.07.2013 Магілёў: актывіст БХД абскардзіў папярэджанне за дзейнасць ад імя незарэгістраванай арганізацыі ў касацыйным парадку

Актывіст аргкамітэта партыі БХД хоча, каб было адменена рашэнне суда Ленінскага раёна ад 10 ліпеня 2013 года і вынесенае яму Магілёўскай управай КДБ афіцыйнае папярэджанне за дзейнасць ад імя незарэгістраванай арганізацыі.

22.07.2013 Жыхар вёскі працягвае змагацца за доступ да водасховішча

Нагадаем, што што прычынай канфлікту паміж жыхарамі вёскі Нядашава-2 і мясцовым фермерам Юрыем Коршунавым стала тое, што зямлю агульнага карыстання перадалі ў пажыццёвае карыстанне фермеру Юрыю Коршунаву без правядзення грамадскіх слуханняў і ўліку грамадскай думкі жыхароў вёскі.

22.07.2013 З Уладзя Яроменка ўзялі падпіску пра нявыезд

22 ліпеня актывіст «Маладога фронту» Уладзь Яроменак азнаёміўся з крымінальнай справай, якую завялі супраць яго паводле артыкула аб парушэнні правілаў прафілаяктычнага нагляду.22 ліпеня актывіст «Маладога фронту» Уладзь Яроменак азнаёміўся з крымінальнай справай, якую завялі супраць яго паводле артыкула аб парушэнні правілаў прафілаяктычнага нагляду.

22.07.2013 “Вынікі незалежнага назірання за выбарамі ў Палату прадстаўнікоў 2012 года” накіраваныя ў кампетэнтныя ўстановы

Каля 200 асобнікаў выдання "Вынікі незалежнага назірання за выбарамі ў Палату прадстаўнікоў пятага склікання 23 верасьня 2012 года", былі разасланыя актывістамі кампаніі “Праваабаронцы за свабодныя выбары” у дзяржаўныя установы, бібліятэкі, дэпутатам Палаты прадстаўнікоў ды іншыя арганізацыі.

22.07.2013 Праваабаронцы рыхтуюцца да акцыяў у падтрымку палітвязняў

Больш за 15 заявак на правядзенне пікетаў ды іншых масавых мерапрыемстваў у знак салідарнасці з беларускімі палітвязнямі пададзена грамадскімі дзеячамі і праваабаронцамі.

22.07.2013 Сёння ў Бруселі адбудзецца акцыя FIDH з нагоды візіту Уладзіміра Макея

22 ліпеня Міністр замежных спраў Беларусі Уладзімір Макей, у дачыненні да якога Еўрасаюз прыпыніў візавыя санкцыі, возьме ўдзел у сустрэчы кіраўнікоў знешнепалітычных ведамстваў краінаў Усходняга партнёрства. Тым часам Міжнародная Федэрацыя за правы чалавека (FIDH) арганізуе акцыю, каб звярнуць увагу на тое, што ў Беларусі за кратамі знаходзяцца 12 палітычных вязняў.

22.07.2013 Фядута, Рымашэўскі, Дзмітрыеў ад сёння выязныя за мяжу

Як паведаміла праваабаронца Таццяна Равяка, у пяці чалавек, асуджаных за Плошчу-2010, скончыліся тэрміны адбыцця пакарання. Гэта Сяргей Вазняк, Аляксандр Фядута, Андрэй Дзмітрыеў, Віталь Рымашэскі і Сяргей Марцалеў.

22.07.2013 Баранавічы: на Міколу Чарнавуса склалі 2 пратаколы за мітынгі прадпрымальнікаў

М.Чарнавуса абвінавачваюць у парушэнні ч.3 арт.23.34 (арганізацыя і правядзенне несанкцыянаванага масавага мерапрыемства) падчас мітынгаў баранавіцкіх прадпрымальнікаў 27 чэрвеня і 1 ліпеня. Першы мітынг праходзіў на Кааператыўным рынку, другі - каля будынка падаткавай інспекцыі.