Праваабарончы цэнтр «ВЯСНА»

Навіны за Ліпень 2013

26.07.2013 Павел Вінаградаў знайшоўся ў Маскоўскім РУУС

З лідарам “Zмены” кампаніі “Гавары праўду!” 25 ліпеня амаль шэсць гадзінаў праводзілі “прафілактычную размову”.

26.07.2013 Кожны можа далучыцца да ратавання кляштара базыльянаў у Оршы

Выстава “Сьвятло Бацькаўшчыны” Міколы Купавы эксапануецца ў Оршы з 10 ліпеня. Мастак абвясціў, што сродкі ад продажу сваіх карцін ахвяруе на рэстаўрацыю будынка кляштара базыльянаў – помніка архітэктуры, які руйнуецца праз абыякавасць мясцовых уладаў.

26.07.2013 Салігорск: Рок-салідарнасць са Зміцерам Вайцюшкевічам (фота)

25 сакавіка ў межах кампаніі "Рок-Салідарнасць", якая займаецца падтрымкай забароненых у Беларусі музыкаў, у сталіцы шахцёраў адбылася творчая сустрэча з вядомым спевком ды музыкам Зміцерам Вайцюшкевічам. У знакаміты "чорны спіс" спявак патрапіў пасля выбараў 2010 года.

26.07.2013 Міхась Мускі знайшоўся на гаўптвахце

“Маладафронтавец” Міхась Мускі, які праходзіць тэрміновую вайсковую службу ў Лапічах, што ў Асіповічскім раёне, 25 ліпеня быў змешчаны на гаўптвахту на 7 сутак. Нібыта за непадпарадкаванне загаду камандзіра.

26.07.2013 Грамадскі актывіст Віталь Васількоў асуджаны на 10 сутак

Актывіст кампаніі «Гавары праўду!» Віталь Васількоў асуджаны на 10 сутак адміністрацыйнага арышту. Пра гэта паведамляюць у фэйсбуку яго сябры.

25.07.2013 Жыхары Полацка пратэстуюць супраць вырубкі сквeра каля вакзала

Яны збіраюць подпісы пад зваротам у Камітэт дзяржкантролю, бо нязгодныя з перспектывай будаўніцтва буйнога гандлёвага цэнтру, дзеля якога і знішчаюць дрэвы. Сабрана некалькі соцень подпісаў тых, хто не хоча бачыць замест сквера вялікі гмах паміж чыгуначным і аўтобусным вакзаламі.

25.07.2013 Папраўкі ў выбарчае заканадаўства — у адміністрацыі

Законапраект аб унясеньні зьмяненьняў і дапаўненьняў у выбарчае заканадаўства цяпер на разглядзе ў адміністрацыі прэзыдэнта Беларусі. Восеньню ён можа быць разгледжаны парлямэнтам.

25.07.2013 Пікет супраць расейскай базы забаранілі з-за пешаходаў

Менгарвыканкам адмовіў Партыі БНФ у правядзенні пікету супраць размяшчэння ў Беларусі расейскай ваеннай базы. Пра гэта БелаПАН паведаміў лідар партыі Аляксей Янукевіч.

25.07.2013 Смалявічы: «Не абмеркаванне, а пусты звон!»

У Смалявічах прайшло грамадскае абмеркаванне дэталёвага плана забудовы Кітайска-беларускага індустрыяльнага парку. Дачнікі і мясцовыя жыхары засталіся незадаволеныя «абмеркаваннем».

25.07.2013 Бабруйск: Адміністрацыя завода і афіцыйны прафсаюз супраць Міхаіла Кавалькова

На бабруйскім заводзе трактарных дэталяў і агрэгатаў зноў з’явіліся лістоўкі, накіраваныя супраць Міхаіла Кавалькова, старшыні завадской пярвічкі Свабоднага прафсаюза Беларускага. На гэты раз пад тэкстам з назвай “Кумир, которого нет” пазначана падвоенае аўтарства: “Адміністрацыя” і “Прафсаюзны камітэт АСМ”.

25.07.2013 Быхаўскія ўлады ладзяць чарговы “добраахвотны” суботнік

Быхаўскі райвыканкам аб’явіў аб правядзенні чаргова “добраахвотнага” раённага суботніка “ў мэтах паляпшэння арганізацыі вольнага часу дзяцей і моладзі, а таксама падрыхтоўкі правядзення Дня беларускай пісьменасці”.

25.07.2013 Па заяўках на пікеты 27 ліпеня ў Віцебску – тры адмовы

Віцебскія актывісты Хрыстафор Жаляпаў і Аляксей Гаўруцікаў хацелі зладзіць на ўгодкі абвяшчэння дэкларацыі аб суверэнітэце Беларусі пікет салідарнасці з палітвязнямі. З Першамайскай раённай адміністрацыі ім даслалі адмову. Такія ж адмоўныя адказы атрымалі страшыня абласной рады Партыі БНФ Леанід Аўтухоў і сябар КХП-БНФ Ян Дзяржаўцаў.

25.07.2013 Слонім: старшыня райвыканкама праігнараваў просьбу партыйцаў

Кіраўнікі слонімскіх суполак партый “Справядлівы свет” (Сяргей Бузун), БНФ (Віктар Марчык), БХД (Іван Бедка), АГП (Сяргей Бялько) і Алесь Масюк ад “Руху за Свабоду” звярталіся да старшыні Слонімскага райвыканкама Іосіфа Паўлюкевіча з просьбай падтрымаць доктара Слонімскай ЦРБ Івана Шэгу ў ягоным жаданні працягваць працу.

25.07.2013 Мінск наведваюць кіраўнікі Еўрапейскага вяшчальнага саюза

Еўрапейскі вяшчальны саюз (ЕВU) прапаноўвае юрыдычную дапамогу, а таксама адсочвае змены ў еўрапейскім заканадаўстве, якое адносіцца да сферы нацыянальнага вяшчання.

25.07.2013 У Магілёве плануецца мітынг супраць расійскіх авіябаз

24 ліпеня старшыня Магілёўскай абласной арганізацыі Аб’яднанай грамадзянскай партыі Уладзімір Шанцаў падаў заяўку ў гарвыканкам на правядзенне мітынга і шэсця супраць размяшчэння на тэрыторыі Беларусі расійскіх авіябаз.