Праваабарончы цэнтр «ВЯСНА»

Навіны за Ліпень 2013

29.07.2013 Брэст: рыхтуецца пікет супраць бездарожжа ў мікрараёне Паўднёвы

Як паведаміў адзін з арганізатараў акцыі Ігар Маслоўскі, падчас пікету плануецца выказаць пратэст у сувязі з ігнараваннем мясцовымі уладамі патрабаванняў, выкладзеных у калектыўным звароце, які падпісалі больш чым 1100 чалавек.

29.07.2013 Салігорск салідарны з палітвязнямі (фота)

Паштоўкі з цёплымі словамі падтрымкі даслалі беларускім палітычным вязням салігорскія грамадскія актывісты. Удзельнікі акцыі заклікаюць ўсіх беларусаў не быць абыякавымі ды таксама дасылаць палітычным зняволенным лісты і паштоўкі са словамі салідарнасці.

29.07.2013 Незалежнага журналіста не пусцілі на сход вяскоўцаў

Зміцер Лупач не змог трапіць на сход жыхароў вёскі Дзеркаўшчына, дзе 28 ліпеня абмяркоўвалася забарона гадаваць свіней у 5-кіламетровай зоне ад свінакомплексу “Маліноўшчына”. Перасцярога выклікана небяспекай распаўсюду афрыканскай чумы свіней, а якую пагрозу ўяўляў сабой журналіст – невядома.

29.07.2013 Палітвязні атрымаюць віншаванні з Віцебску (фота)

Лісты і паштоўкі з пажаданнямі моцы духу, надзеі і веры накіравалі палітзняволеным віцебскія актывісты. Меркавалася, што допісы дойдуць у месцы зняволення ў дні, бліжэйшыя да даты прыняцця Дэкларацыі аб суверэнітэце Беларусі. Зрэшты, калі палітвязні атрымаюць лісты -- залежыць ад працы цэнзараў.

29.07.2013 Тамара Сяргей абскарджвае рашэнне Генпракуратуры ў судзе

Сёння ў судзе Цэнтральнага раёна Менска адбудзецца разгляд скаргі юрыста і грамадскай актывісткі Тамары Сяргей на неправамоцныя дзеянні Генеральнай пракуратуры, якая вынесла ёй афіцыйнае папярэджанне аб крымінальнай адказнасці за дзейнасць ад імя незарэгістраванай грамадскай арганізацыі.

28.07.2013 Слонім: актывіст вымушаны звольніцца пад прэсінгам дырэктара

Са Слонімскай птушкафабрыкі быў звольнены на падставе п. 4 арт. 42 Працоўнага кодэкса РБ за сістэматычнае парушэнне працоўнай дысцыпліны працаўнік аховы фабрыкі, адзін з актывістаў Слонімскага аб'яднання дэмакратычных сіл Віктар Марчык. Суд пастанавіў аднавіць яго на працоўным месцы. Але прапрацаваць ўдалося нядоўга.

27.07.2013 Бабруйск: Вячаслаў Шэлег звязвае збіццё дачкі з уласнай палітычнай дзейнасцю

Бабруйскі сябра аргкамітэту партыі БХД, прадпрымальнік Вячаслаў Шэлег паведаміў, што 27 ліпеня раніцай знікла яго 16-гадовая дачка Наталля. Знайшлася яна толькі днём: зараз дзяўчына знаходзіцца ў бальніцы з сатрасеннем мозгу. Бабруйскія міліцыянты прыехалі на ранішні выклік Шэлега праз дзве гадзіны.

27.07.2013 Скаргі на Салігорскі тэлеканал накіраваны ў пракуратуру, суд і ідэалагічны аддзел

Цяжбу з дзяржаўнымі тэлевізіёншычкамі актывіст вядзе з-за адмовы апошніх паставіць у эфіры ў сакавіку 2013 года віншаванні з 95-годдзем Беларускай Народнай Рэспублікі ды адказамі на свае звароты на рускай мове.

27.07.2013 Маленькая перамога Мікалая Уласевіча ў судзе

У выніку трэцяга раўнду разгляду суд абавязаў Ашмянскую мытню вярнуць Уласевічу ягоныя дыктафон і два дыскі DVD. Што найбольш істотна – суд пастанавіў выплаціць коштам казны Рэспублікі Беларусь як вяртанне стратаў Уласевіча кошт канфіскаваных і знішчаных рэчаў, а таксама судовыя выдаткі, якія былі ў актывіста.

26.07.2013 Барысаў: жыхары адваявалі асяроддзе пражывання

Жыхары былога ваеннага гарадка Печы, які цяпер перадаецца на баланс барысаўскіх камунальнікаў, сумеснымі намаганнямі змаглі супрацьстаяць высечцы цэнтральнай алеі і адстаяць сваё права на экалагічна нармальнае асяроддзе пражывання.

26.07.2013 Баранавічы: райвыканкам прыцягваецца як суадказнік па справе Мілавідскага фэсту

У судзе Баранавіцкага раёна і горада Баранавічы 26 ліпеня адбыўся разгляд зыскавай заявы актывіста Руху “За свабоду” Віктара Сырыцы на дзеянні афіцыйнай газеты Баранавіцкага райвыканкама “Наш край”. Разглядала гэтую грамадзянскую справу суддзя Вольга Апановіч.

26.07.2013 У Жыткавіцкім раёне зачыняюцца школы

Дэмаграфічная сітуацыя, аб паляпшэнні якой дбаюць на словах беларускія ўлады, пагаршаецца з году ў год. У раёнах штогод зачыняюцца сельскія школы з-за недахопу ці адсутнасці вучняў, як прыклад – некалькі ўстаноў адукацыі не адчыняць свае дзверы перад дзецьмі 1 верасня ў Жыткавіцкім раёне.

26.07.2013 МЗС Літвы: меры ЕС у дачыненні да Беларусі - заклік палепшыць становішча ў галіне правоў чалавека

Як паведамляе прэс-служба знешнепалітычнага ведамства Літвы, намеснік міністра замежных спраў Андрус Крывас 25 ліпеня ў ходзе дыскусіі студэнтаў Еўрапейскага гуманітарнага ўніверсітэта і дыпламатаў краін Еўрапейскага саюза ў Вільні заявіў, што абмежавальныя меры ЕС у дачыненні да Беларусі - заклік прыняць істотныя меры для паляпшэння становішча ў вобласці правоў чалавека.

26.07.2013 Смалявіцкі райвыканкам выдае жаданае за сапраўднае

З пункту гледжання чыноўнікаў, сустрэча з зацікаўленай грамадскасцю прайшла як па масле. “Сустрэча доўжылася каля трох гадзін. Мясцовыя жыхары ў цэлым падтрымліваюць будаўніцтва індустрыяльнага парку”, піша сайт Смалявіцкага райвыканкама.

26.07.2013 Віцебскія праваабаронцы падалі заяўкі на пікеты салідарнасці з Бяляцкім

Усяго заплянавана правядзеньне 4-х пікетаў у Віцебску. Заяўкі на 3 зь іх падаў у раённыя адміністрацыі гораду Павал Левінаў, прадстаўнік РПГА «Беларускі Хэльсынскі камітэт» па Віцебску і Віцебскай вобласьці. Яшчэ аднy заяўку накіраваў у адміністрацыю Чыгуначнага раёну Віцебску праваабаронца Леанід Сьвецік.