Праваабарончы цэнтр «ВЯСНА»

Навіны за 24 студзеня 2013

24.01.2013 Міхалка і Вольскага вылучылі на афіцыйную прэмію «Брэнд года»

Абодва музыканты знаходзяцца ў так званым "чорным спісе" выканаўцаў.

24.01.2013 Намеснік генпракурора заявіў, што прысуд Ірыне Халіп не ўтрымлівае прамой забароны на выезд за мяжу

"Перашкод для яе выезду за мяжу, зыходзячы з прысуду, не маецца".

24.01.2013 Вышэйшы гаспадарчы суд адмовіў «Платформе»

Вышэйшы гаспадарчы суд адмовіў у задавальненні касацыйнай скаргі ІП «Платформа», паставіўшы тым самым апошнюю кропку ў справе аб ліквідацыі арганізацыі.

24.01.2013 Уладзімір Яроменак арыштаваны на 12 сутак за парушэньне нагляду

Маладафронтавец будзе адбываць пакараньне ў будынку ІЧУ на завулку Акрэсьціна.

24.01.2013 За фатаграфаванне з партрэтам Бяляцкага аштрафавалі і ў Наваполацку

Яўген Парчынскі аштрафаваны на 500 тысяч рублёў. Яго прызналі вінаватым у правядзенні несанкцыянаванай акцыі. Працэс над актывістам вёў асабіста старшыня Наваполацкага гарадскога суду Пётр Ляўчонак, які і вырашыў, што фатаграфаванне з партрэтам Алеся Бяляцкага ў руках – гэта парушэнне заканадаўства пра масавыя мерапрыемствы.

24.01.2013 Еўрадэпутат звярнуўся ў МЗС Беларусі з просьбай сустрэцца з палітвязнямі

Еўрадэпутат Марэк Мігальскі, які з'явіўся ініцыятарам кампаніі салідарнасці з двума палітычнымі вязьнямі - лідэрам «Маладога фронту» Змітром Дашкевічам і кандыдатам у прэзідэнты на выбарах 2010 г. Мікалаем Статкевічам - звярнуўся да Міністэрства замежных спраў з просьбай сустрэцца з імі ў месцах зняволення.

24.01.2013 Рыгор Кастусёў патрабуе перайменаванне станцыю метро "Плошча Леніна" - на "Плошчу Незалежнасці"

Рашэнне перайменаваць станцыю метро “Плошча Леніна” ў станцыю “Плошча Незалежнасці” адмысловая камісія пры Мінгарвыканкаме прыняла яшчэ ў 2010 годзе. Аднак пазней гэта самая камісія сваё рашэнне адмяніла, спаслаўшыся, што паступілі скаргі ад жыхароў горада.

24.01.2013 Другі год Святлана Вяргечык патрабуе прыцягнуць да адказнасці міліцыянта, які збіваў яе

Адказы міліцыі, пракуратуры і Следчага камітэта зводзяцца да фармальных адпісак і фармулёўкі "ў дзеяннях супрацоўніка ўнутраных органаў няма складу злачынства".

24.01.2013 Магілёўскае КДБ не вярнула відэакамеру Зміцеру Салаўёву, канфіскаваную пасля падзеяў Плошчы

У сваім апошнім адказе яму параілі шукаць яе ў Менскім следчым камітэце. Старшыня Магілёўскай абласной арганізацыі БНФ “Адраджэньне” Зміцер Салаўёў такім стаўленнем спецслужб да вяртання сваёй уласнасці проста абураны.

24.01.2013 Маці Андрэя Гайдукова хвалюе абмежаваны доступ адваката да сына

"Важна, каб адвакат мог проста сустрэцца і паразмаўляць з затрыманым, пракансультаваць яго ў нечым, пацікавіцца станам здароўя. Прысутнасці падчас следчых дзеянняў – мала. А іншых сустрэч амаль не дазваляюць: дакладней, дазвол даюць, але магчымасці няма – маўляў, няма вольных памяшканняў у СІЗА КДБ".

24.01.2013 У Наваполацку ў 14 гадзін будзе суд за здымкі з партрэтам Бяляцкага

Актывістам Яўгену Парчынскаму і Сяргею Малашонку паведамілі, што супраць іх інцыяваная адміністрацыйная справа за несанкцыянаваную акцыю. Доказам правапарушэння для мясцовай міліцыі сталі фотаздымкі, размешчаныя на шэрагу незалежных сайтах. У Наваполацку паўтараецца сітуацыя з судом над гарадзенскімі праваабаронцамі.

24.01.2013 У Бабруйску запрацуе “Народны універсітэт”

З 24 студзеня ў Бабруйску па ініцыятыве мясцовай Рады дэмакратычных сіл пачынае сваю працу “Народны універсітэт”. Першыя заняткі будуць прысвечаныя афіцыйным гербу і сцягу, расказаў старшыня сацыял-дэмакратаў Юры Грынявецкі.

24.01.2013 У Оршы завяршылася гучная справа па педафіліі. Суд стаў на бок аршанскай грамадскасці

Судовы працэс пацвердзіў тое, пра што неаднаразова казала аршанская грамадскасць - у мікрараёне «Задняпроўе», побач з СШ № 20 доўгія гады існавала дзіцячая порнастудыі, якая пакрывалася нейкімі высокапастаўленымі службовымі асобамі.

24.01.2013 «Барысаўскія навіны» райвыканкам не лічыць сродкам масавай інфармацыі

Праваабаронца Алег Мацкевіч звярнуўся ў Барысаўскі райвыканкам з патрабаваннем прадаставіць на выканкамаўскім сайце праўдзівую інфармацыю аб усіх СМІ рэгіёну. Справа ў тым, што на сайце Барысаўскага райвыканкама ў рубрыцы «СМІ» не прадастаўлена інфармацыя аб незалежнай газеце «Барысаўскія навіны».

24.01.2013 Беларусы патрабуюць пайсці на сустрэчу ЕС у пытанні спрашчэння візавага рэжыму

Грамадзяне Беларусі пачалі збор подпісаў пад петыцыяй да беларускіх уладаў з патрабаваннем пачаць перамовы з Еўрапейскім Саюзам па пытанні спрашчэння візавага рэжыму.