Праваабарончы цэнтр «ВЯСНА»

Навіны за Сьнежань 2012

28.12.2012 Пад Новы год знішчылі два гектары салігорскага лесапарку (фота)

Напярэдадні Новага году ў леспаракавай зоне Салігорску з дазволу мясцовых уладаў было знішчана каля двух гектараў каштоўнага лесу першай катэгорыі. Як адзначаюць актывісты кампаніі “Абаронім лес”, гэтыя дрэвы знаходзіліся ў пяцісотметровай прыродаахоўнай зоне салігорскага вадасховішча, і дазвол на іх высечку мусіць давацца на вышэйшым узроўні.

27.12.2012 Ілля Багданаў – яшчэ адзін падазраваны ў справе пра "здраду дзяржаве"

27 снежня наваполацкі актывіст аргкамітэту па стварэнн партыі БХД Ілля Багданаў пабываў на допыце ў Віцебскай абласной управе КДБ. Яго дапытваў следчы Алег Барысевіч, які вядзе справу Андрэя Гайдукова, арыштаванага па падазрэнні ў супрацоўніцтве з замежнымі спецслужбамі.

27.12.2012 Геаграфія эмоцыяў і ўражаньняў Алеся Бяляцкага (шмат фота)

Да Алеся Бяляцкага ў бабруйскую калонію працягваюць ісці паштоўкі і лісты з розных канцоў сьвету. З Польшчы, Нямеччыны, Галандыі, Люксембургу, Бельгіі, Аўстрыі, Швецыі, Англіі, Ірландыі, Канады, Японіі, Тайваню. Ад дарослых і дзяцей.

27.12.2012 Брэст: рашэнне па хадайніцтву аб вызваленні з-пад варты грамадскага актывіста Віталя Каўша суд абвесціць 3 студзеня

Віталь Коўш, які раней займаўся грамадскай дзейнасцю і быў сябрам Партыі БНФ, абвінавачваецца “у спрыянні незаконнай міграцыі”. Справа набыла гучны рэзананс, калі пра яе пачало ўзгадваць Беларускае тэлебачанне, у сюжэтах якога Коўш быў названы злачынцам.

27.12.2012 Бабруйск: энерганагляд падключыўся да ціску на каардынатара “Гавары праўду”

Алена Мядзведзева, бабруйскі каардынатар кампаніі “Гавары праўду” паведаміла, што яе кватэру ў яе адсутнасці чатыры разы наведалі супрацоўнікі энерганагляду. Бабруйчанка мяркуе, нагодай для візіта ў яе кватэру можа быць тое, што менавіта тут знаходзіцца офіс дэпутата “Грамадзянскай дамовы”.

27.12.2012 Магілёўскія актывісты АГП збіраюцца абскарджваць забарону 10 пікетаў

Мерапрыемствы мусілі адбыцца 19 снежня і былі прымеркаваныя да другой гадавіны разгону “Плошчы”. Пра свой намер звярнуцца ў суд паведаміў лідэр Магілёўскай абласной арганізацыі Аб’яднанай Грамадзянскай партыі Ўладзімір Шанцаў.

27.12.2012 Андрэя Гайдукова зноў перавезлі з Віцебску ў Мінск

Наваполацкага актывіста, якога вінавацяць у здрадзе дзяржаве, вывезлі з віцебскага СІЗА яшчэ 22 снежня. Ні пра сам факт пераводу, ні пра прычыны нічога невядома: адвакат даведалася пра гэта, калі пайшла на сустрэчу з падабаронным.

27.12.2012 Бабруйскія грамадскія актывісты павіншавалі палітвязняў

Па добрай традыцыі, бабруйскія грамадскія актывісты віншуюць палітвязняў з усімі вялікімі святамі. На гэты раз таксама былі адпраўленыя паштоўкі ў розныя куткі Беларусі. Таксама мясцовыя актывісты вырашылі падтрымаць Тамару Уладзіміраўну, бабулю Яўгена Васьковіча, і зноў падпісалі яе на газету “Наша Ніва”.

27.12.2012 Анатоля Лябедзьку выклікаюць у міліцыю

Лідара Аб’яднанай грамадзянскай партыі Анатоля Лябедзьку выклікаюць у міліцыю Савецкага раёна сталіцы. Позва на 27 снежня прыйшла факсама на партыйны офіс АГП.

27.12.2012 Аляксандру Макаеву - штраф 50 базавых велічынь

У судзе Маскоўскага раёна Менска 27 сьнежня пачаўся разгляд адміністратыўнай справы прадпрымальніка Аляксандра Макаева. Яго вінавацяць па частцы 3 артыкула 23.34 (удзел у несанкцыянаваным масавым мерапрыемстве, здзейсненае паўторна на працягу года). Справу разглядае суддзя Яўген Хаткевіч.

27.12.2012 Бяляцкі застаецца ў Бабруйскай калёніі

У адміністрацыі Бабруйскай калёніі жонцы палітвязьня Алеся Бяляцкага Натальлі Пінчук паведамілі, што яе муж застаецца «ва ўстанове».

27.12.2012 Наста Палажанка і Зьміцер Дашкевіч ажаніліся ў турме

Наста ўзяла прозвішча мужа, а пасля шлюбу маладым дазволілі пабыць разам толькі 10 хвілін.

26.12.2012 Тры вершы палітыка Някляева (відэа)

У інтэрнэце выкладзены новы фільм з серыі "Хроніка суднага часу" прысьвечаны палітрэпрэсаванаму лідару кампаніі "Гавары праўду" паэту Уладзіміру Някляеву. Фільм мае назву "Тры вершы палітыка Някляева" і ахоплівае пэрыяд ад пачатку прэзідэнцкай кампаніі 2010 года і да сёньняшняга дня.

26.12.2012 Гары Паганяйла: “Абароне Пачобута варта больш актыўна дзейнічаць...”

Старшыня юрыдычнай камісіі РПГА “Беларускі хельсінскі камітэт” дапускае, што следству не хапае доказаў віны журналіста. У гэтых умовах можна ставіць пытанне пра спыненне расследавання яго справы, – лічыць юрыст.

26.12.2012 Стэфан Эрыксан: Тыя гады, якія прайшлі ў Беларусі, былі для мяне найлепшымі ў маім жыцці

"Тыя гады, якія прайшлі ў мяне ў Беларусі, былі для мяне вельмі добрымі, найлепшымі, можна казаць, у маім жыцці", — заявіў былы пасол Швецыі ў Беларусі Стэфан Эрыксан у навагоднім віншаванні беларусам.