Праваабарончы цэнтр «ВЯСНА»

Навіны за 4 сьнежня 2012

04.12.2012 Павел Сапелка: Дзядку ствараюць невыносныя ўмовы

«Мікалая Дзядка спасцігла доля, досыць характэрная для палітвязняў, якім улада стварае невыносныя ўмовы для адбыцця пакарання. Я моцна сумняваюся ў тым, што Мікалай Дзядок, як і Зміцер Дашкевіч і Яўген Васьковіч, парушаў неяк рэжым настолькі, што трымаць іх можна толькі ў турме», - дзеліцца сваім меркаваннем беларускі адвакат.

04.12.2012 Палітыкі падпісалі мемарандум па рэалізацыі Нацыянальнай гендэрнай платформы

Дакумент будзе накіраваны ва ўрад. У ім змяшчаюцца рэкамендацыі, што трэба зрабіць уладам і грамадзянскай супольнасці для набліжэння гендэрнай роўнасці ў нашай краіне.

04.12.2012 Кастусь Жукоўскі просіць гомельскую пракуратуру праверыць законнасць зносу драўлянай забудовы

Дамы па вуліцы Валатоўскай абласнога цэнтра – узор унікальнага драўлянага дойлідства, характэрнага для паўднёва-ўсходняга рэгіёну. Грамадскасць неаднаразова звяртала ўвагу ўладаў на неабходнасць захаваць гэтыя дамы, надаць ім статус гісторыка-культурнай каштоўнасці. Нягледзячы на ўсе захады, у канцы лістапада дамы пачалі руйнаваць.

04.12.2012 Маці не дазволілі спатканне з арыштаваным Андрэем Гайдуковым

Вольгу Гайдукову, маці 23-гадовага аператара наваполацкага "Нафтану", дапытаў следчы, які займаецца крымінальнай справай, распачатай супраць Андрэя Гайдукова "за здраду дзяржаве". Алег Барысевіч паведаміў, што "следства ідзе", і што да яго завяршэння сустрэчы з арыштаваным ён не дазволіць.

04.12.2012 Пушкін абскарджвае свой арышт пэрформансам

Мастак Алесь Пушкін зьвярнуўся ў Вярхоўны суд з абскарджаньнем рашэньня суду Смаргонскага раёну. Ён просіць прызнаць рашэньне раённага суду аб сваім 10-суткавым арышце незаконным.

04.12.2012 Мікалая Дзядка перавядуць у турму

4 снежня адбылося выязное паседжаньне Шклоўскага суду па справе зьняволенага анархіста Мікалая Дзядка. Суд пастанавіў накіраваць палітвязьня ў турму.

04.12.2012 З Андрэем Гайдуковым сустрэўся адвакат

Адвакат пабачыла свайго падабароннага ўпершыню за тыдзень. Затрымка была выкліканая пераводам Андрэя Гайдукова з мінскай “амерыканкі”. Па словах адваката, умовы ўтрымання ў Віцебску значна лепшыя.

04.12.2012 Маскоўскім фатографам не дазволілі пікет у падтрымку беларускіх калег

Яны збіраліся зладзіць акцыю каля беларускай амбасады ў Маскве. Маскоўскія ўлады палічылі пікет умяшанне ва ўнутраныя справы Беларусі.

04.12.2012 Сусед Статкевіча па камеры напісаў прашэнне аб памілаванні

«Мікалай кажа, што Васільеў, безумоўна, абвяргае сваё дачыненне да „эскадронаў смерці“ і да забойстваў. Яны сядзяць разам з сакавіка 2012 года. Дзесьці ў канцы сакавіка Васільева перавялі з Наваполацкай калоніі ў турму і пасадзілі непасрэдна ў камеру да Мікалая», — сказала Марына Адамовіч.

04.12.2012 Перадаць кнігі палітвязню Парфянкову не ўдалося

Грамадскі актывіст Рыгор Грык сабраў каля 40 кніг беларускіх і замежных аўтараў і 3 снежня спрабаваў перадаць іх у баранавіцкі следчы ізалятар № 6, дзе ўтрымліваецца палітвязень Васіль Парфянкоў. Намеснік начальніка маёр Аляксандр Пупко заявіў, што “нашай установе кнігі не патрэбныя”.

04.12.2012 На Гомельшчыне працягваецца практыка выкарыстання бясплатнай працы

Рагачоўскі райвыканкам выдаў распараджэнне правесці 6 снежня ў райцэнтры суботнік. У гэты дзень райвыканкам "раіць" прадпрыемствам усіх форм уласнасці, індывідуальным прадпрымальнікам правесці "дзень дабрачыннай працы". Сродкі будуць пералічаны на будаўніцтва храма. У Рагачове гэта ўжо не першы «праваслаўны суботнік».

04.12.2012 У чыноўнікаў запыталі статыстыку па зваротах грамадзян на роднай мове

Як паведаміў каардынатар ініцыятывы «Справаводства па-беларуску!» Ігар Случак, гэта спроба даведацца, як паўплывалі змены ў заканадаўстве на моўную палітыку зваротаў грамадзян.

04.12.2012 Брэст: актывісты АГП падалі заяўку на пікеты 19 снежня

Як паведаміў старшыня Брэсцкай абласной арганізацыі Аб’яднанай грамадзянскай партыі Уладзімір Вуек, усяго запланавана дзевяць пікетаў, якія актывісты АГП збіраюцца ладзіць на чатырох пляцоўках, у тым ліку – дзве пляцоўкі ў цэнтры горада.

04.12.2012 III Еўрапейскі кангрэс правоў чалавека пройдзе 6 снежня ў Катавіцэ

6 снежня ў Катавіцэ (Польшча) пройдзе III Еўрапейскі кангрэс правоў чалавека. Арганізатарамі мерапрыемства з'яўляюцца офіс еўрадэпутата Марэка Мігальскага і асацыяцыя "Праект Шлёнск".

04.12.2012 4 сьнежня — разгляд справы палітвязьня Мікалая Дзядка

На 4 сьнежня прызначанае выязное паседжаньне Шклоўскага суду па справе зьняволенага анархіста Мікалая Дзядка. Суд будзе вырашаць, ці накіроўваць Мікалая Дзядка з калёніі ў «крытую» турму.