Праваабарончы цэнтр «ВЯСНА»

Навіны за 23 сакавіка 2012

23.03.2012 Брэсцкі аблсуд стаў на бок чыноўніка Хафізава

Cкарга актывіста Руху «За Свабоду» Сяргея Вакуленкі, якому гарадскі чыноўнік адмовіўся прадаставіць інфармацыю, разгледжана ў Брэсцкім абласным судзе 22 сакавіка.

23.03.2012 Большасць не падтрымлівае рашэння прэзідэнта

Такія вынікі паказвае апытанка, якую баранавіцкая недзяржаўная газета “Intex-press” ужо некалькі дзён ладзіць на сваім сайце. На 23 сакавіка на пытанне “Вы памілавалі б Канавалава і Кавалёва?”станоўча адказалі каля 60% наведвальнікаў.

23.03.2012 Чатырнаццаты. І Марголіна не выпускаюць у Эўразьвяз

Намесьнік старшыні АГП Леў Марголін атрымаў даведку ў Барысаўскім РУУС, што яму часова абмежавана права на выезд за мяжу.

23.03.2012 Леанід Гаравы патрабуе ліквідаваць "Дошку ганьбы"

Актывіст Руху “За свабоду” лічыць, што КУВП “Гарадоцкае прадпрыемства кацельных і цеплавых сетак”, якое ўсталявала "Дошку ганьбы" з прозвішчамі даўжнікоў за камунальныя паслугі, не мае права публічна зневажаць гонар і годнасць людзей. Хай нават і "злосных неплацельшчыкаў".

23.03.2012 Тры пікеты да Дня Волі забаранілі ў Віцебску

Віцебскі актывіст Кансерватыўна-хрысціянскай партыі БНФ Пётр Сарапеня падаў заяўкі ў тры раённыя адміністрацыі на правядзенне 25 сакавіка трох пікетаў - атрымаў тры адмовы.

23.03.2012 Лідара нацболаў апраўдалі

Суд Савецкага раёна Мінска 23 сакавіка апраўдаў лідара беларускіх нацыянал-бальшавікоў Яўгена Контуша і спыніў адміністрацыйную справу ў дачыненні да яго. Пра гэта паведаміў Контуш.

23.03.2012 «Чорны сьпіс» ЭЗ будзе пашырацца да вызваленьня палітвязьняў

Рада міністраў замежных спраў краін Эўразьвязу пашырыла сьпіс беларускіх асобаў і кампаній, што трапляюць пад санкцыі, паведамляе карэспандэнт РС у Брусэлі.

23.03.2012 Былога прэм'ера Латвіі не ўпусцілі ў Беларусь

Былога прэм'ер-міністра Латвіі, дэпутата Еўрапарламента Івара Годманіса не пусцілі Беларусь.

23.03.2012 У судзе Маскоўскага раёна – Шулейка і Костка - па 5 сутак, Дземідзенка - 10 сутак

У судзе Маскоўскага раёну Менска пачаўся разгляд адміністратыўных спраў Міколы Дземідзенкі, затрыманага ўчора вечарам ў раёне вуліцы Акрэсціна, а таксама актывістаў РПСС Насты Шулейкі і Міхася Косткі.

23.03.2012 У Горках працягваюць змагацца за дом Гарэцкага

У Міністэрства культуры перададзены пакет дакументаў, неабходных для ўключэння дома Максіма Гарэцкага ў спіс гісторыка-культурных каштоўнасцяў Беларусі.

23.03.2012 Магілёўскі маляр Аляксей Паўлоўскі судзіцца з “Прамжылбудам” (відэа)

Ад свайго былога працадаўцы ён хоча дамагчыся змянення фармулёўкі яго звальнення. Паўлоўскі адзначае, што гэта дасць яму магчымасць атрымаць выхадную дапамогу. Агулам сума, з улікам трох сярэднямесячных заробкаў і двухтыднёвай выхадной дапамогі, складае каля 11 мільёнаў рублёў.

23.03.2012 У Бялынічах да Дня волі распаўсюдзілі дэмакратычныя выданні

У райцэнтры Бялынічы 22 сакавіка адбылася акцыя, прымеркаваная да святкавання Дня Волі. Мясцовыя грамадскія актывісты распаўсюджвалі сярод жыхароў гарадскога пасёлка спецвыпускі маланакладных газет “Паходня” і “Магілёўскі Выбар” з гістарычнымі матэрыяламі пра адраджэнне беларускай дзяржавы ў 1918 годзе.

23.03.2012 У СІЗА КДБ зніклі нататкі Уладзіслава Кавалёва

Родным пакаранага смерцю ў Віцебск даслалі адзенне і нават прадукты, якія ён не паспеў спажыць. Але сярод рэчаў няма запісаў, якія Уладзіслаў Кавалёў вёў падчас судовых паседжанняў. У лістах і падчас спаткання ён прасіў, каб маці і сястра захавалі гэтую папку.

23.03.2012 Кіраўнік суполкі незалежнага прафсаюза на “Граніце” абскарджвае звальненне ў судзе

Алег Стахаевіч, кіраўнік суполкі незалежнага прафсаюза на прадпрыемстве “Граніт”, абскарджвае звальненне ў судзе Лунінецкага раёна. Судовае паседжанне адбудзецца 27 сакавіка. Пазоў у суд быў накіраваны Беларускім кангрэсам дэмакратычных прафсаюзаў.

23.03.2012 У Бундэстагу адбыліся дэбаты па сьмяротным пакараньні ў Беларусі

Дэпутаты Бундэстагу на сваім паседжаньні 22 сакавіка ўвечары аднагалосна асудзілі сьмяротнае пакараньне двух маладых беларусаў, абвінавачаных у зьдзяйсьненьні тэракту ў менскім мэтро.