У судзе Маскоўскага раёна – Шулейка і Костка - па 5 сутак, Дземідзенка - 10 сутак
Суд Маскоўскага раёна Мінска.
У судзе Маскоўскага раёну Менска пачаўся разгляд адміністратыўнай справы Міколы Дземідзенкі, затрыманага ўчора вечарам ў раёне вуліцы Акрэсціна, а таксама актывістаў РПСС Насты Шулейкі і Міхася Косткі.
На актывіста “Маладога фронту” Міколу Дземідзенку быў складзены пратакол па артыкуле 17.1 КаАП РБ (дробнае хуліганства). Яго справу разглядае суддзя Юры Сезін. Насту Шулейку асудзіла Мотыль Тацяна. Яна разглядала справу Міхася Косткі. Іх абвінавацілі ў арганізацыі і ўдзеле ў несанкцыянаванай акцыі (арт. 23.34 КаАП РБ) - падняты сьцяг у гандлёвым цэнтры Сталіца. Абодвум актывістам вынесьлі пакараньне ў 5 сутак адміністратыўнага арышту, хаця не было ніводнага доказу віны Шулейкі, а Костка прызнаў віну.
Міколу Дземідзенку асудзілі да 10 сутак арышту.
Супрацоўнікі міліцыі, які дзяжураць у памяшканьні, чыняць перашкоды тым, хто хацеў патрапіць на судовыя разгляды. Паведамляецца, у прыватнасьці, што на другі паверх суду доўгі час нікога не прапускалі.
