Праваабарончы цэнтр «ВЯСНА»

Навіны за 21 сакавіка 2012

21.03.2012 Барань: мітынгаваць і пікетаваць дазволена ... у лесе

Услед за Аршанскім гарвыканкамам улады горада Барань, які з'яўляецца спадарожнікам Оршы, прынялі рашэнне аб змене месцаў для правядзення масавых мерапрыемстваў - як апынулася, яшчэ 1 лютага, але толькі цяпер яно апублікавана ў мясцовай газеце.

21.03.2012 Баранавічы: грамадскія актывісты віншуюць палітвязняў з Днём Волі

21 сакавіка грамадскія актывісты з Баранавічаў накіравалі палітзняволеным краіны віншавальныя лісты і паштоўкі да 25 Сакавіка. "Мы пажадалі нашым сябрам і аднадумцам моцнага здароўя і найхутчэйшай свабоды",- распавёў старшыня гарадской суполкі Руха “За свабоду” Віктар Сырыца.

21.03.2012 Гомельскія дэмакраты распавялі пра планы на Дзень Волі

21 сакавіка ў Гомелі на прэс-канферэнцыі прадстаўнікі рэгіянальнай кааліцыі АДС паведамілі, што 25 сакавіка ў памяшканні грамадска-палітычнага цэнтру на вуліцы Палескай адбудзецца трэцяя сесія Народнага сходу, як гэта і планавалася ўвосень. Падчас мерапрыемства адбудзецца прэзентацыя кампаніі «За справядлівыя выбары!»

21.03.2012 Рыгору Грыку другі раз запар забаранілі пікет

У адказе з Баранавіцкага гарвыканкама паведамляецца, што заява Рыгора Грыка парушае артыкул 5 Закона Рэспублікі Беларусь“Аб масавых мерапрыемствах”. Праўда, якую норму закона парушыў заяўнік, супрацоўнік ідэалагічнага аддзела Сяргей Пяцігораў не называе.

21.03.2012 Міжнародная грамадзянская супольнасьць патрабуе ад Аляксандра Лукашэнкі ўвядзеньня мараторыя на сьмяротнае пакараньне

Заява аб прывядзеньні ў выкананьне сьмяротных прысудаў ў дачыненьні да Дзмітрыя Канавалава і Уладзіслава Кавалёва ў Беларусі

21.03.2012 Уладзімір Малей прысвяціў свой марафонскі забег патрабаванню свабоды Алесю Бяляцкаму (фота)

Сярод удзельнікаў першага сёлетняга міжнароднага лёгкаатлетычнага прабегу ў Гомелі ў плямістых і чырвона-зялёных касцюмах праваабаронца з Брэста вельмі адрозніваўся - ён быў у майцы “Свабоду Бяляцкаму!” з выявай кіраўніка Праваабарончага цэнтра “Вясна”.

21.03.2012 Смаргонскія дэмакраты ўпершыню пачулі пра каардынацыйны савет партый і грамадскіх аб’яднанняў раёна

На афіцыйны запыт у Смаргонскі райвыканкам чыноўнікі паведамілі, што гэта структура была створана чатыры гады таму і ў яе склад уваходзяць прадстаўнікі 18 арганізацый, “мэты і задачы якіх не супярэчаць мэтам і задачам каардынацыйнага савета”.

21.03.2012 У адносінах да Аляксандра Крутога захаваныя захады прымусовага лячэньня

У судзе Маскоўскага раёну Менска прайшло паўторнае судовае паседжаньне па справе Аляксандра Крутога пад старшыньствам суддзі Яўгена Хаткевіча. Суд прыняў рашэньне аб неабходнасьці ўжываньня захадаў бясьпекі і лячэньня ў адносінах да Аляксандра Крутога.

21.03.2012 Уладзімір Шыла абскардзіць нематываваныя адказы салігорскіх чыноўнікаў у пракуратуры

Па словах актывіста, фармулёўкі ў адказах наупрост кажуць пра юрыдычную некампетэнтнасць адказных супрацоўнікаў Салігорскага райвыканкаму. "А можа гэта здзек ці нават сабатаж? - задае рытарычные пытанне заяўнік масавых мерапрыемстваў. - Бо ў дадзеным выпадку парушаецца Закон “Аб зваротах грамадзян”, а не Закон “Аб масавых мерапрыемствах”, пра непарушнасць якога ў сваім адказе піша спадар Маскевіч".

21.03.2012 Дванаццаты: За мяжу не пусцілі Ухналёва

Сёння раніцай за мяжу Беларусі не пусцілі намесніка старшыні Беларускай партыі левых «Справядлівы свет» Валерыя Ухналёва, паведамляе«Товарищ.online».

21.03.2012 У Брэсце ладзяць акцыі салідарнасці з Сяргеем Каваленкам

На ўлётках, якія з’явіліся ў шматлюдных месцах Брэста змешчаны фотаздымкі схуднелага Сяргея Каваленкі, зробленыя падчас судовага працэсу на ім, а таксама фота суддзі. Подпіс пад улеткамі: “Думаеце вас гэта не закране? Чакайце новы ГУЛАГ!”

21.03.2012 Чаму пра забарону мітынгу на 25 Сакавіка гарадзенцам паведамляе міліцыя?

Увечары 20 сакавіка маёр міліцыі прыехаў на кватэру да праваабаронцы Уладзіміра Хільмановіча і паведаміў, што ў правядзенні мітынгу 25 сакавіка ў Гародні адмоўлена. А між тым за пяць дзён да заяўленага мерапрыемства гарвыканкам так і не паведаміў заяўнікам сваё афіцыйнае рашэнне.

21.03.2012 КДБ спрабуе пазбавіць Віктара Бузінаева апякунства над бацькамі?

Старшыня бабруйскай суполкі АГП Віктар Бузінаеў даведаўся з тэлефанавання сацыяльных работнікаў, што яго збіраюцца пазбаўляць апекі над бацькамі. Актывіст упэўнены, што робяць гэта па палітычных матывах.

21.03.2012 Бабруйчанін, якога аб’явілі ў вышук, насамрэч міліцыі не патрэбны

Бабруйскі актывіст Вячаслаў Шэлег пайшоў мяняць правы на кіраванне аўтамабілем у ДАІ і нечакана даведаўся, што знаходзіцца ў вышуку. У мясцовым УУС яму нават выдалі на рукі адпаведную даведку, з якой … адпусцілі дахаты.

21.03.2012 Камітэт па правах чалавека ААН: Беларусь абавязана выдаваць целы расстраляных і паведамляць пра дату смерці іх сем'ям

Маці Уладзіслава Кавалёва звярнулася да Аляксандра Лукашэнкі з просьбай выдаць ёй цела расстралянага сына. Раней Камітэт ААН па правах чалавека ўжо прыняў рашэнне, якое абавязвае Беларусь выдаваць целы пакараных смерцю іх сваякам і паведамляць пра дату смерці.