Праваабарончы цэнтр «ВЯСНА»

Навіны за 18 студзеня 2012

18.01.2012 Наталля Пінчук дзякуе ўсім за салідарнасць

18 студзеня жонка Алеся Бяляцкага перавяла на рахунак Упраўлення юстыцыі Менгарвыканкама для суда Першамайскага раёна 757 мільёнаў 526 тысяч 717 рублёў - прысуджаную суму ўрону, нібыта нанесенага ім дзяржаве. Наталля Пінчук дзякуе кожнаму з 765 чалавек, якія такім чынам падтрымалі праваабаронцу.

18.01.2012 Прадстаўнікі грамадзянскай супольнасці выказваюць падзяку грамадзянам за салідарнасць з праваабаронцам Алесем Бяляцкім

Мы, прадстаўнікі беларускай грамадзянскай супольнасці, выказваем словы глыбокай падзякі грамадзянам Беларусі, якія адгукнуліся на наш заклік праявіць салідарнасць са зняволеным старшынёй Праваабарончага цэнтру “Вясна” і віцэ-прэзідэнтам Міжнароднай федэрацыі за правы чалавека Алесем Бяляцкім і дапамагчы сабраць сродкі, якія былі прысуджаныя Алесю Бяляцкаму судом як “выплата шкоды, нанесенай злачынствам”.

18.01.2012 Сяргея Каваленку ў СІЗА кормяць гвалтам

Жонцы віцебскага актывіста Алене Каваленка не растлумачылі, якая працэдура прымусовага кармлення. Яна лічыць, што гэта катаванні – калі чалавека ў стане палітычнай галадоўкі пачынаюць карміць гвалтам праз зонд.

18.01.2012 Берасьце: актывіста судзяць за адмову ад дактыляскапіі

Берасьцейскага актывіста АГП, інжынэра-праграміста Сяргея Вельгаса будуць судзіць у Ленінскім райсудзе за адмову прайсьці дактыляскапію.

18.01.2012 Салігорск: новыя забароны пікетаў, новыя заяўкі на правядзенне

У Салігорску забаранілі яшчэ два масавыя мерапрыемствы. Мясцовая грамадскасць не атрымала дазволу выканкаму на правядзенне пікету ў падтрымку палітвязняў і мітынгу па абмеркаванні ходу выканання рашэнняў IV Усебеларускага сходу.

18.01.2012 Звальненні ў адказ на патрабаванні выканання заканадаўчых нормаў

Намесніка кіраўніка магілёўскага гарадскога аргкамітэта БХД Алега Аксёнава звальняюць з працы. Адміністрацыя Магілёўскага домабудаўнічага камбіната паведаміла яму, што кантракт, заключаны з ім 17 лютага 2011 года, працягвацца не будзе.

18.01.2012 Дэканат абараніў студэнтку, затрыманую за акцыю пратэсту

Святлану Задзядзюрыну 19 снежня 2011 г. затрымалі каля Чырвонага касцёлу нібыта за ўдзел у акцыі пратэсту. Студэнтка 4 курсу фізфаку БДУ запэўнівае, што яна проста вярталася дадому.

18.01.2012 Заснавальніку самага папулярнага гомельскага сайту навінаў адмовілі ва ўдзеле ў канферэнцыі

Арганізатары канферэнцыі «Дзелавы інтэрнэт», якая прайшла 17 студзеня ў Гомелі, пад ціскам мясцовых уладаў адмовілі ў удзеле ў мерапрыемстве заснавальніку самага папулярнага гомельскага сайту навінаў, абласнога лідэра Руху «За свабоду!» Пятру Кузняцову.

18.01.2012 За падробку дакументаў і сфабрыкаваную справу – вусная вымова

Пракуратура Быхаўскага раёна адмовілася ўзбуджаць крымінальную справу ў дачыненні да міліцыянера Віталя Вашчылы, які сфабрыкаваў справу ў дачыненні да жыхара вёскі Дабужа Быхаўскага раёна Аляксандра Шачанкі.

18.01.2012 Замест дазволу на пікет – у суд

Грамадскі актывіст Мікола Чарнавус быў выкліканы ў Баранавіцкі гарадскі аддзел унутраных спраў для подпісу пратакола, згодна з якім ён абвінавачваецца па артыкулу 23. 39 Кодэкса аб адміністратыўных правапарушэннях – “самаўпраўства”. Справа ў тым, што ў заяўцы на пікет ён назваў сябе старшынёй аб’яднання ўкраінцаў “Кобзарь” у Баранавічах.

18.01.2012 У Баранавічах пададзена заяўка на пікет супраць збяднення

Старшыня гарадской арганізацыі партыі “Справядлівы свет” Віктар Цяпін накіраваў заяву ў Баранавіцкі гарвыканкам на правядзенне пікету супраць збяднення людзей. Пікет плануецца правесці 28 студзеня.

18.01.2012 Мінгарвыканкам забараніў больш за 60 пікетаў у падтрымку Алеся Бяляцкага

У далейшым 14 з атрыманых адмоваў на правядзенне пікетаў былі абскарджаны ў суд Маскоўскага раёна г. Мінска. 12 студзеня скаргі былі разгледжаны суддзёй Рудніцкай А.Б. у адкрытым судовым паседжанні, 13 студзеня ў задавальненні скаргаў было адмоўлена.

18.01.2012 Брэсцкі актывіст дамагаецца тлумачэнняў наконт пабудовы гатэлю на месцы гістарычных аб’ектаў

Каардынатар руху “За Свабоду” Дзяніс Турчаняк патрабуе публічнага адказу на пытанне, на якой падставе брэсцкія ўлады передалі прыватнай фірме два дамы (№№ 43 і 45) на вуліцы Савецкай у абласным цэнтры, што маюць гістарычна-культурную каўштоўнасць.

18.01.2012 Цэнзура пільна сочыць за перапіскай Мікалая Дзядка

Былы палітзьняволены Алесь Кіркевіч, памілаваны ўказам прэзідэнта 1 верасьня мінулага года, скардзіцца на суровую цэнзуру ў калёніі №15 у Магілёве. Тут адбывае пакараньне анархіст Мікалай Дзядок, з якім ён вядзе перапіску.

18.01.2012 Бярозаўчане пачалі збор сродкаў для сям’і Сяргея Каваленкі

Сябры Бярозаўскай суполкі Касерватыўна-хрысціянскай партыі БНФ пачалі збор дзіцячых рэчаў і грашовых сродкаў для сям’і віцебскага актывіста Сяргея Каваленкі. На думку Сяргея Аліхвера, які займаецца гэтай справай непасрэдна, нашаму грамадству трэба згуртавацца менавіта цяпер, калі актыўныя беларускія людзі рэпрэсуюцца ўладай.